Sukran News

தேனி, அக்.17- தேனி மாவட்டம், தேனி அல்லிநகரம் நகராட்சிக்கு உட்பட்ட வீரப்ப அய்யனார் கோயிலுக்கு செல்லும் வழியில், திண்டுக்கல் TO குமுளி பைபாஸ் சாலை அருகே குப்பைகள் கொட்டப்பட்டு வருவதால், அப்பகுதி குப்பைக் கிடங்காக மாறி வருவதாக பொதுமக்கள் வேதனை தெரிவிக்கின்றனர். சாலையோரத்தில் குவிந்து கிடக்கும் குப்பைகளால் அப்பகுதி முழுவதும் துர்நாற்றம் வீசுவதுடன், சுற்றுச்சூழல் பாதிக்கப்படும் சூழலும் ஏற்பட்டுள்ளது. இதனால், வீரப்ப அய்யனார் கோயிலுக்கு செல்லும் பக்தர்கள், அந்த வழியாக செல்லும் வாகன ஓட்டிகள் மற்றும் அப்பகுதியில் வசிக்கும் பொதுமக்கள் பெரும் சிரமத்திற்கு ஆளாகி வருகின்றனர். நகரின் தூய்மையை பாதுகாக்க வேண்டிய நகராட்சி நிர்வாகம், பொதுமக்களுக்கும் சுற்றுச்சூழலுக்கும் பாதிப்பை ஏற்படுத்தாத வகையில் குப்பைகளை அகற்றுவதற்கும், அவற்றை முறையாக கையாளுவதற்கும் உரிய நடவடிக்கை எடுக்க வேண்டும். இது தொடர்பாக இந்து எழுச்சி முன்னணி தேனி மாவட்டச் செயலாளர் இராமமூர்த்தி வெளியிட்டுள்ள அறிக்கையில் கூறியிருப்பதாவது, வீரப்ப அய்யனார் கோயிலுக்கு செல்லும் பாதையில் குப்பைகள் கொட்டப்படுவதை தடுத்து, அப்பகுதியை தூய்மையாக நகராட்சி...

தேனி, அக்.10- தேனி மாவட்ட ஆட்சியர் அலுவலகத்தில் 10.10.2026 அன்று தேனி மாவட்டத்தின் புதிய ஆட்சித்தலைவராக  வ. சிவகிருஷ்ணமூர்த்தி பொறுப்பேற்றுக் கொண்டார். தஞ்சாவூர் மாவட்டத்தை பூர்வீகமாக கொண்டு, தற்பொழுது சென்னையில் வசித்துவரும் வ.சிவகிருஷ்ணமூர்த்தி, (B.Tech) பட்டம் பயின்று, மத்திய அரசுப் பணியாளர் தேர்வாணையத்தின் மூலம் 2017-ம் ஆண்டு நடத்தப்பட்ட அகில இந்திய குடிமைப் பணிகள் தேர்வில் (UPSC) தேர்ச்சி பெற்று. விழுப்புரம் மாவட்டத்தில் உதவி ஆட்சியர் (பயிற்சி)-ஆகவும், திருநெல்வேலி மாவட்டத்தில் சேரன்மாதேவி சார் ஆட்சியராகவும், திருநெல்வேலி மற்றும் ஈரோடு மாநகராட்சி ஆணையராகவும், சென்னை மாநகராட்சி துணை ஆணையராகவும், அதனைத்தொடர்ந்து, தமிழ்நாடு குடிநீர் வடிகால் வாரியத்தின் இணை நிர்வாக இயக்குநகராகவும் பணியாற்றிய அனுபவம் கொண்டவர். தேனி மாவட்டத்தின் புதிய மாவட்ட ஆட்சித்தலைவராக வ.சிவகிருஷ்ணமூர்த்தி இன்று பொறுப்பேற்றுக் கொண்டு, செய்தியாளர்களிடம் தெரிவிக்கையில், தேனி மாவட்டத்தில் மாவட்ட ஆட்சித்தலைவராக பணி வழங்கியுள்ள தமிழ்நாடு முதலமைச்சர் அவர்களுக்கு எனது நன்றியை தெரிவித்து கொண்டு, சிறப்புமிக்க தேனி மாவட்ட...

தேனி, அக்.2- தமிழ்நாடு முதலமைச்சர் ச.ஜோசப் விஜய் 2.10.2026 அன்று சென்னை, கோயம்பேடு புரட்சித்தலைவர் டாக்டர் எம்.ஜி.ஆர் பேருந்து நிலையத்தில் இருந்து தமிழ்நாடு முழுவதும் மகளிர் கட்டணமில்லா "வெற்றிப் பயணம் திட்டத்தை" தொடங்கி வைத்ததை தொடர்ந்து, தேனி மாவட்டம், கர்னல் ஜான் பென்னிகுயிக் தேனி புதிய பேருந்து நிலையத்தில் நடைபெற்ற நிகழ்ச்சியில் 4 வெற்றிப் பயண பஸ்களை மாவட்ட கலெக்டர் மரு.இரா.வைத்திநாதன் கொடியசைத்து தொடங்கி வைத்தார். தமிழ்நாட்டின் எந்தப் பகுதியிலும் வசிக்கும் மகளிரும் போக்குவரத்து கட்டணத்தால் தமது வாய்ப்புகளை இழக்கக்கூடாது என்ற சமூகநீதி சிந்தனையை முதன்மையாகக் கொண்டு, மகளிர் கட்டணமில்லா பயணத் திட்டத்தை விரிவுப்படுத்தி, பெருமளவில் பயனளித்திடும் விதமாக, 'வெற்றிப்பயணம்' திட்டம் தொடங்கப்படும் என்று தமிழ்நாடு முதலமைச்சர் அவர்களால் அறிவிக்கப்பட்டு, இன்று தமிழ்நாடு முழுவதும் தொடங்கி வைக்கப்பட்டுள்ளது. அதனடிப்படையில், தமிழ்நாடு அரசு போக்குவரத்துக் கழகம் (மதுரை) லிட் திண்டுக்கல் மண்டலத்தின் மூலம் தேனி மாவட்டத்தில், மதுரை - போடி வழித்தடம், மதுரை - கம்பம் வழித்தடம், மதுரை - கும...

  தேனி, செப்.23- தேனி மாவட்ட கலெக்டர் அலுவலக கூட்டரங்கில் 22.9.2026 அன்று ஸ்ரீவில்லிப்புத்தூர் மேகமலை புலிகள் காப்பகம் (மேகமலை கோட்டம்) மற்றும் தேசிய வேளாண்மை மற்றும் ஊரக மேம்பாட்டு வங்கி (நபார்டு) இணைந்து நடத்திய நொச்சியோடை பழங்குடியினர் குடியிருப்புகளுக்கான மாதிரி சூரிய ஆற்றல் பழங்குடியினர் கிராம திட்ட தொடக்க விழா மாவட்ட கலெக்டர் மரு.இரா.வைத்திநாதன் தலைமையில் நடைபெற்றது. நொச்சியோடை என்பது ஸ்ரீவில்லிப்புத்தூர் மேகமலை புலிகள் காப்பகம் உட்பட்ட மேகமலை வனப் பகுதியின் மையப் பகுதியில் (Core Area) அமைந்துள்ள சுமார் 32 கி.மீ. தொலைவில் உள்ள  தொலைதூர பழங்குடியினர் குடியிருப்பாகும். இக்குடியிருப்பில் 18 குடும்பங்களை சேர்ந்த 76 பேர் வசித்து வருகின்றனர். பல வருடங்களாக மின்சார வசதி இன்றி வாழ்ந்து வந்த இப்பகுதி மக்கள், வெளிச்சத்திற்காக மண்ணெண்ணெய் விளக்குகளை நம்பியிருந்ததுடன், கைப்பேசிகளை மின்னேற்றம் செய்யவும், அடிப்படை தகவல் தொடர்பு வசதிகளைப் பெறவும் வனப்பகுதிக்கு வெளியே நீண்ட தூரம் பயணிக்க வேண்டியிருந்தது.  இப்பழங்குடியினரின் உரிமைகள் வன உரிமைச் சட்டம் 2006-ன் கீழ் அங்கீகரிக்கப்பட்டு...

தேனி, செப்.23- கோ-ஆப்டெக்ஸ் நிறுவனம் 1935-ஆம் ஆண்டு தொடங்கப்பட்டு இந்தியாவின் மிகப்பெரிய தலைமை கைத்தறி நெசவாளர் கூட்டுறவு சங்கமாக திகழ்ந்து வருகிறது. மேலும், தமிழ்நாடு முழுவதும் பரவியுள்ள நெசவாளர் கூட்டுறவு சங்கங்களில் நெசவாளர்களால் உற்பத்தி செய்யப்படும் தயாரிப்புகளை 90 ஆண்டுகளுக்கு மேலாக கோ-ஆப்டெக்ஸ்" என்ற வணிக முத்திரையுடன் தற்போது 146 விற்பனை நிலையங்கள் மூலம் வணிகப்படுத்தும் முன்னணி நிறுவனமாக செயல்பட்டு வருகின்றது.  பட்டு மற்றும் பருத்தி இரகங்களின் பாரம்பரிய மற்றும் நவீன சமகால வடிவமைப்புகளை கொண்டு சிறந்த கைத்தறி இரகங்களை வணிகப்படுத்தும் நிறுவனமாக கோ-ஆப்டெக்ஸ் விளங்கி வருகிறது. தீபாவளி பண்டிகை காலத்திற்கான புதிய வடிவமைப்புகளில் பட்டு சேலைகள், பருத்தி சேலைகள், பருத்தி வேட்டிகள், படுக்கை விரிப்புகள் மற்றும் ஏராளமான இரகங்கள் விற்பனைக்கு வைக்கப்பட்டு உள்ளன.  மேலும், இளைய தலைமுறை வடிவமைப்புகளில் அவர்களது தேவைகளை வாடிக்கையாளர்களுக்கேற்ற நிறைவேற்றும் வண்ணம் பாரம்பரிய பட்டு மற்றும் பருத்தி இரகங்களில் புதுமையான வடிவமைப்புகள் மற்றும் வண்ணங்களுடன் பல மதிப்பு கூட்டப்பட்ட இரகங்கள் விற்பன...

தேனி, செப்.22- தமிழ்நாடு நில அளவைத்துறை அலுவலர்கள் சங்கத்தின் சார்பில் சின்னமனூரில் சர்வேயர் மீது நடந்த தாக்குதலை கண்டித்து தேனி கலெக்டர் அலுவலகம் முன்பு போராட்டம் நடைபெற்றது.  இந்த போராட்டத்திற்கு தேனி மாவட்ட தலைவர் வெங்கடேஷ் பாபு தலைமை தாங்கினார். மாவட்ட செயலாளர் ராஜேந்திரன், மாவட்ட பொருளாளர் திருமூர்த்தி, தேனி நகர சர்வேயர் கணேஷ் குமார் ஆகியோர் முன்னிலை வகித்தனர். போராட்டத்தில் நில அளவைத்துறை அலுவலர்கள் சங்கத்தினர் பலர் கலந்து கொண்டனர்.  இதனைத்தொடர்ந்து நில அளவைத்துறை அலுவலர்கள் சங்கத்தினர் தேனி மாவட்ட கலெக்டர் அலுவலகத்தில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது, தேனி மாவட்டம், உத்தமபாளையம் தாலுகா, சின்னமனூர் நகர சார் ஆய்வாளராக பணிபுரியும்  ஜெகன்குமார் முதலமைச்சரின் தனிப்பிரிவு மனு மீது நடவடிக்கை எடுக்கக்கோரி உத்தமபாளையம் வருவாய் கோட்டாட்சியர் உத்தரவின் பேரில் அளவை பணிக்கு சென்றுள்ளார். அப்போது  அவர் குண்டர்களால் தாக்கப்பட்டு தேனி அரசு மருத்துவக் கல்லூரி மருத்துவமனையில் அவசர சிகிச்சைப் பிரிவில் சிகிச்சை  பெற்று வருகின்றார். இந்த ச...

தேனி, செப்.22- தேனி மாவட்ட உலக அமைதிக்குழு மற்றும் மனிதநேய காப்பகம் சார்பில் உலக அமைதி தினத்தை முன்னிட்டு, ஒற்றுமையை வலியுறுத்தியும் உலகப் போர்களை நிறுத்தக்கோரியும் மாபெரும் விழிப்புணர்வு பேரணி மற்றும் உலக அமைதிக்கான விருது வழங்கும் விழா 21.9.2026 அன்று தேனியில் நடைபெற்றது. தேனி புதிய பேருந்து நிலையத்திலிருந்து பழைய பேருந்து நிலையம் வரை நடைபெற்ற உலக அமைதி தின விழிப்புணர்வு பேரணியை தேனி மாவட்ட போலீஸ் ஏ.டி.எஸ்.பி., மகேஷ் கொடியசைத்து துவக்கி வைத்தார்.  இந்த ஊர்வலத்தில் தேனி வெளிச்சம் அறக்கட்டளை நிறுவனர் சமூக ஆர்வலர் சிதம்பரம் உள்பட நூற்றுக்கணக்கான மாணவர்கள், இளைஞர்கள் மற்றும் பொதுமக்கள் கலந்து கொண்டு கையில் விழிப்புணர்வுப் பேனர்களை ஏந்தி சென்றனர். அதனைத்தொடர்ந்து தேனி 'வெஸ்டர்ன் காட்ஸ்' ஹோட்டலில் உலக அமைதிக்கான விருது வழங்கும் விழா மாலையில் நடைபெற்றது. விழாவிற்கு ஏ.எம்.ஆர் குழும நிறுவனங்களின் தலைவர் (AMR Group of Companies) AMRR. சந்திரகுமார் தலைமை தாங்கினார். விழாவில் சிறப்பு விருந்தினராக கலந்துகொண்ட தேனி மாவட்ட நிரந்தர மக்கள் நீதிமன்ற தலைவரும், மாவட்ட நீதிபதியுமான A.K.K. இரஜினி,...

தேனி, செப்.19- தமிழ்நாடு தொண்டு நிறுவனங்களின் கூட்டமைப்பு (TAFVA) சார்பில், தமிழ்நாடு முழுவதிலும் இருந்து வந்த மாநில நிர்வாகிகளுடன் கம்பம் சட்டமன்ற உறுப்பினர்  பி.எல்.ஏ. ஜெகநாத் மிஸ்ரா கலந்துரையாடினார். அப்போது தொண்டு நிறுவனங்கள் மற்றும் மகளிர் சுயஉதவி குழுக்கள் எதிர்கொள்ளும் முக்கிய பிரச்சினைகள், அரசின் நலத்திட்டங்களை பெறுவதில் உள்ள சவால்கள் மற்றும் அவர்களின் வளர்ச்சிக்கு தேவையான நடவடிக்கைகள் குறித்து எம்.எல்.ஏ., கேட்டறிந்தார். கூட்டமைப்பு சார்பில், தொண்டு நிறுவனங்கள் மற்றும் மகளிர் சுயஉதவிக் குழுக்களின் நலன், வளர்ச்சி மற்றும் உரிமைப் பாதுகாப்பு தொடர்பான கோரிக்கை மனுக்கள் சட்டமன்ற உறுப்பினரிடம் வழங்கப்பட்டன. மனுக்களில் இடம்பெற்ற கோரிக்கைகள் மீது உரிய கவனம் செலுத்தி, சம்பந்தப்பட்ட அரசுத்துறைகளுடன் பேசி தீர்வு காண தேவையான முயற்சிகளை மேற்கொள்வேன் என்று எம்.எல்.ஏ., உறுதியளித்தார். இந்நிகழ்வில் கலந்து கொண்ட தொண்டு நிறுவன பிரதிநிதிகளின் சேவையை பாராட்டி, சட்டமன்ற உறுப்பினர் ஜெகநாத் மிஸ்ரா பாராட்டுச் சான்றிதழ்கள் வழங்கி, பதக்கங்களை அணிவித்து கௌரவித்தார். இந்த நிகழ்ச்சியில் கூட்டமைப்பு சட்...

தேனி, செப்.12- தேனி மாவட்ட திராவிட முன்னேற்றக் கழகம் சார்பில் தேனி பழைய பஸ் நிலையம் அருகே கண்டன ஆர்ப்பாட்டம் 12.9.2026 அன்று நடைபெற்றது. ஆர்ப்பாட்டத்திற்கு தேனி வடக்கு மாவட்ட கழக செயலாளர் தங்க.தமிழ்செல்வன் எம்.பி., முன்னாள் எம்.எல்.ஏ., கம்பம் ராமகிருஷ்ணன் ஆகியோர் தலைமை தாங்கினர். தமிழ்நாடு முன்னாள் முதலமைச்சர் ஓ.பன்னீர்செல்வம் எம்.எல்.ஏ., முன்னிலை வகித்தார். ஆர்ப்பாட்டத்தில் ஆண்டிபட்டி சட்டமன்ற உறுப்பினர் மகாராஜன், முன்னாள் எம்எல்ஏ., போடி லட்சுமணன், தேனி வடக்கு மாவட்ட துணை செயலாளர் திருகண்ணன், நகர செயலாளர்கள் சூர்யா பாலமுருகன், போடி புருஷோத்தமன், ஒன்றிய செயலாளர்கள் சக்கரவர்த்தி, அய்யப்பன் உள்பட மாவட்ட, ஒன்றிய, நகர, பேரூர், கிளை, வட்ட கழக, மகளிர் அணி, சார்பு அணி நிர்வாகிகள், உள்ளாட்சி பிரதிநிதிகள் பலர் கலந்து கொண்டனர். ஆர்ப்பாட்டத்தின் போது தமிழ்நாடு சட்டமன்றத்தில் காவல்துறை மானிய கோரிக்கையின் பதில் உரையின் போது, முதலமைச்சர் ச.ஜோசப்விஜய் ஆணவ பேச்சை கண்டித்து கண்டன கோஷங்கள் எழுப்பினார்கள். ......................... நாகராஜ், தலைமை நிருபர்  

  தேனி, செப்.11- தேனி அல்லிநகரம் நகராட்சி பகுதியில் உள்ள 33 வார்டுகளிலும் சேகரிக்கப்படும் குப்பை கழிவுகள் 4 வகைகளாக தரம் பிரிக்கப்பட்டு  ஈர கழிவுகள் பொம்மையகவுண்டன்பட்டி வாட்டர் டேங்க், பழைய கம்போஸ்ட், தேனி மேற்கு சந்தை, தேனி புதிய பஸ் நிலையம் ஆகிய பகுதிகளில் அமைக்கப்பட்டுள்ள நுண்ணுற  கூடங்களுக்கு கொண்டு செல்லப்பட்டு ஈர கழிவுகள் இயந்திரங்கள் மூலம் 10 mm-ல் இருந்து 30 mm வரை சிறு துகள்களாக வெட்டப்பட்டு அவை அங்கு அமைக்கப்பட்டுள்ள தொட்டிகளில் கொட்டப்பட்டு திறன் மிகு நுண்ணுயிர் திரவம் தெளிக்கப்பட்டு  45 நாட்கள் தொட்டியில் கிளறி பராமரித்து 46-வது நாள் உரமாக மாற்றப்படுகிறது. அவ்வாறு மாற்றப்படும் உரம் விவசாயிகளுக்கும், பொதுமக்களுக்கும் இலவசமாக வழங்கப்பட்டு வந்தது. இந்நிலையில் தேனி உழவர் சந்தையில் காய்கறி கழிவுகளை பிரித்து வழங்குவதை அதிகப்படுத்தும் நோக்கிலும், உரத்தினை அனைவரும் பயன்படுத்த ஏதுவாக நகராட்சி ஆணையாளர் உத்தரவின் பேரில் தேனி உழவர் சந்தையில் இலவச உரம் வழங்கும்  மையம் செயல்பட தொடங்கியது .  இந்த உரம் வழங்கும் தொடக்க நிகழ்வில் நகராட்சி நகர் நல அலுவலர் கவிபிரி...

தேனி, செப்.9- தேனியில் டாக்டர் அகர்வால்ஸ் கண் மருத்துவமனை, தேனி நட்டாத்தி நாடார் மருத்துவமனை சார்பில் தேசிய கண்தான விழிப்புணர்வு ஊர்வலம் 7.9.2026 அன்று நடைபெற்றது. இந்த ஊர்வலத்தை போக்குவரத்து போலீஸ் சப்-இன்ஸ்பெக்டர் ஜாஹிர் ஹுசைன் கொடியசைத்து ஊர்வலத்தை தொடங்கி வைத்தார்.  ஊர்வலத்தில் டாக்டர் அகர்வால் கண்மருத்துவமனையின் டாக்டர் பிரகதி, மண்டல பொது மேலாளர் ஸ்ரீனிவாசன்,  கிளை மேலாளர் சுசீலா சக்திவேல், மூத்த வணிக மேம்பாட்டு நிர்வாகி  கே. முகமது மொஹிதீன் மற்றும் தேனி நட்டாத்தி நாடார் மருத்துவமனையின் மக்கள் தொடர்பு மேலாளர் சேக்பரீத் , மக்கள் தொடர்பு அலுவலர் சசிக்குமார், தேனி நட்டாத்தி நாடார் கல்வி குழுமத்தின் முதல்வர் லாலி மோல், நர்சிங் கல்லூரியின் ஒருங்கிணைப்பாளர் எபி மற்றும்  டாக்டர் அகர்வால் கண் மருத்துவமனை பணியாளர்கள் மற்றும் நட்டாத்தி நாடார் மருத்துவமனையின் நர்சிங் கல்லூரி மாணவிகள் சுமார் 100 -க்கும் மேற்பட்டோர் கலந்து கொண்டு கண்தான விழிப்புணர்வு பதாகைகளை கையில் ஏந்தி கொண்டு கண்தானத்தின் அவசியம் குறித்து கோஷமிட்டு சென்றனர். இந்த ஊர்வலம் தேனியில் உள்ள டாக்டர் அகர்வால் கண்...

தேனி, செப்.7- தேனி மாவட்டத்தில் சிறப்பு நிலை அந்தஸ்தில் உள்ள தேனி அல்லிநகரம் நகராட்சியில் மொத்தம் 33 வார்டுகள் உள்ளன. இங்கு சுமார் ஒரு லட்சத்திற்கு மேல் மக்கள் வசித்து வருகின்றனர். இப்பகுதி மக்களின் அடிப்படை தேவைகளான குடிநீர் வசதி, சாக்கடை வசதி, தெரு மின்விளக்கு, சுகாதாரம், சாலை வசதி போன்ற அடிப்படை தேவைகளை நகராட்சி நிர்வாகம் மேற்கொள்ள வேண்டும். இதற்காக நகராட்சி பகுதியில் உள்ள வீடுகள், வணிக நிறுவனங்களிடம் இருந்து சொத்து வரி , குடிநீர் குழாய் வரி, தொழில் வரி, காலி இட வரி மற்றும் நகராட்சிக்கு சொந்தமான குத்தகை மூலம் வரி வசூல் என ஆண்டுக்கு சுமார் ரூ.20 கோடி வரை நகராட்சி நிர்வாகம் வசூல் செய்து வருகிறது. இந்த வரிகள் மூலம் வரும் பணத்தை நகராட்சி பொது நிதியில் இருப்பு வைக்கப்பட்டு நகராட்சி பகுதி மக்களின் முக்கிய தேவைகளுக்கு பயன்படுத்த வேண்டும். இப்படி நகராட்சிக்கு வருவாயை தாராளமாக வாரி அள்ளி கொடுக்கும் மக்கள் தங்களது வீட்டு வரி விதிப்பு புதிய குடிநீர் குழாய் இணைப்பு, கட்டிட அனுமதி, சுகாதார பிரச்சினை மற்றும் நகராட்சி அலுவலக கோரிக்கை,  பொது பிரச்சினைகள் போன்ற கோரிக்கை தொடர்பாக நகராட்சி அலுவலகத...

  தேனி, செப்.6- தேனி மாவட்டம், பெரியகுளம் அருகே உள்ள கைலாசநாதர் கோவில் கிரிவல பாதையில் செயல்பட்டு வரும் ராம்ஜி டிரஸ்ட் முதுகுத்தண்டு வடம் பாதிக்கப்பட்ட மறுவாழ்வு மையத்தின் சார்பில்  உலக மாற்றுத்திறனாளிகள் தினத்தை முன்னிட்டு 5.9.2026 அன்று பெரியகுளத்தில் விழிப்புணர்வு ஊர்வலம் நடந்தது. இந்த ஊர்வலத்தை மக்களின் வழக்கறிஞர் MKM.முத்துராமலிங்கம் கொடியசைத்து துவக்கி வைத்து சிறப்புரை ஆற்றினார். ஊர்வலத்தில் பெரியகுளம் சட்டமன்ற உறுப்பினர் சபரி ஐங்கரன் கலந்து கொண்டு மாற்றுத்திறனாளிகள் மக்களோடு நடந்து சென்று விழிப்புணர்வு துண்டு பிரசுரங்கள் வழங்கி வாழ்த்தி பேசினார்.  இந்நிகழ்ச்சியில் தேனி வெளிச்சம் அறக்கட்டளை நிறுவனர் நாணயம் சிதம்பரம், தேனி அரசு மருத்துவக் கல்லூரி உயிரி மருத்துவ பொறியாளர் ராஜேஷ் கண்ணா உள்பட தன்னார்வலர்கள் பலர் கலந்து கொண்டனர். முடிவில் ராம்ஜி ட்ரஸ்ட் நிறுவனர் வெங்கிடபூபதி நன்றி கூறினார். ............................. நாகராஜ், தலைமை நிருபர் 

தேனி, செப்.1- தேனி மாவட்ட கலெக்டர் வைத்திநாதனிடம் பரம்பரை வனவாசிகள் உரிமை பாதுகாப்பு சங்கத்தின் தலைவர் தங்கமலை, ஒருங்கிணைப்பாளர் மருதுபாண்டி ஆகியோர் தலைமையில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது  தேனி மாவட்டத்தில் மேகமலை புலிகள் சரணாலயத்திற்காக வருசநாடு, மேகமலை, முருக்கோடை உள்ளிட்ட 98 மலை கிராம மக்களை அங்கிருந்து வெளியேற்ற உச்சநீதிமன்றம் உத்தரவிட்டுள்ளது இந்த வெளியேற்ற நடவடிக்கை தொடர்பாக அனைத்தும் சரியாக நடக்கவில்லை என்பதை அதிகாரிகளின் கவனத்திற்கு நாங்கள் ஏற்கனவே கடிதம் மூலம் கொண்டு வந்திருந்தோம் என்பதையும். மேலும் FRA-வின் கீழ் ஒரு நபர் பரிசீலிக்க தகுதியற்றவர் என்ற கேள்வி உள்பட FRA-வின் அனைத்து அம்சங்களையும் உச்ச நீதிமன்றம் பரிசீலிக்கும் வரை எவரும் வெளியேற்றப்பட கூடாது என்று WP(C) 109/2008-ல் 28.2.2019 அன்று உச்ச நீதிமன்றம் பிறப்பித்த உத்தரவின் நகலையும் நாங்கள் சமர்ப்பித்திருந்தோம் என்பதையும் தங்கள் கருத்திற்கு கொண்டு வர விரும்புகிறோம்.  ஆனால், மாவட்ட அதிகாரிகள் உச்ச நீதிமன்றத்தின் உத்தரவை வேண்டுமென்றே மீறுவதில் பிடிவாதமாக உள்ளனர். மேலும் அந்த...