Sukran News

தேனி, அக்.10- தேனி மாவட்ட ஆட்சியர் அலுவலகத்தில் 10.10.2026 அன்று தேனி மாவட்டத்தின் புதிய ஆட்சித்தலைவராக  வ. சிவகிருஷ்ணமூர்த்தி பொறுப்பேற்றுக் கொண்டார். தஞ்சாவூர் மாவட்டத்தை பூர்வீகமாக கொண்டு, தற்பொழுது சென்னையில் வசித்துவரும் வ.சிவகிருஷ்ணமூர்த்தி, (B.Tech) பட்டம் பயின்று, மத்திய அரசுப் பணியாளர் தேர்வாணையத்தின் மூலம் 2017-ம் ஆண்டு நடத்தப்பட்ட அகில இந்திய குடிமைப் பணிகள் தேர்வில் (UPSC) தேர்ச்சி பெற்று. விழுப்புரம் மாவட்டத்தில் உதவி ஆட்சியர் (பயிற்சி)-ஆகவும், திருநெல்வேலி மாவட்டத்தில் சேரன்மாதேவி சார் ஆட்சியராகவும், திருநெல்வேலி மற்றும் ஈரோடு மாநகராட்சி ஆணையராகவும், சென்னை மாநகராட்சி துணை ஆணையராகவும், அதனைத்தொடர்ந்து, தமிழ்நாடு குடிநீர் வடிகால் வாரியத்தின் இணை நிர்வாக இயக்குநகராகவும் பணியாற்றிய அனுபவம் கொண்டவர். தேனி மாவட்டத்தின் புதிய மாவட்ட ஆட்சித்தலைவராக வ.சிவகிருஷ்ணமூர்த்தி இன்று பொறுப்பேற்றுக் கொண்டு, செய்தியாளர்களிடம் தெரிவிக்கையில், தேனி மாவட்டத்தில் மாவட்ட ஆட்சித்தலைவராக பணி வழங்கியுள்ள தமிழ்நாடு முதலமைச்சர் அவர்களுக்கு எனது நன்றியை தெரிவித்து கொண்டு, சிறப்புமிக்க தேனி மாவட்ட...

தேனி, அக்.2- அண்ணல் காந்தியடிகள் அவர்களின் 157-ஆவது பிறந்த நாளை முன்னிட்டு 2.10.2026 அன்று தேனி மாவட்டத்தில் உள்ள 130 கிராம ஊராட்சிகளிலும் கிராம சபைக் கூட்டம் நடைபெற்றது.  இதில் போடிநாயக்கனூர் ஊராட்சி ஒன்றியம், கோடாங்கிபட்டி ஊராட்சியில் நடைபெற்ற கிராம சபைக் கூட்டத்தில் மாவட்ட கலெக்டர் மரு.இரா.வைத்திநாதன் சிறப்புப் பார்வையாளராக கலந்து கொண்டார். கிராம சபைக் கூட்டத்தின் முக்கிய நோக்கம் ஒரு கிராமத்திற்கு தேவையான அனைத்து அடிப்படை வசதிகளைக் கண்டறிந்து பொதுமக்களின் முன்னிலையில் ஆலோசனைகள் செய்து, அதனை செயல்படுத்திட தேவையான நடவடிக்கைகளை மேற்கொள்ளவதாகும். இக்கூட்டத்தில், கிராம ஊராட்சி நிர்வாகம் மற்றும் பொது நிதி செலவினம். தணிக்கை அறிக்கை. தூய்மையான குடிநீர் விநியோகம், பாரதம் கிராம வேலை உறுதி மற்றும் வாழ்வாதார திட்டம், சிறுபாசன குளங்கள் மற்றும் ஏரிகள் புதுப்பித்தல்.ஜல் ஜீவன் திட்டம். தூய்மை பாரத இயக்கம் (ஊரகம்) திட்டம், கிராம ஊராட்சியின் தணிக்கை அறிக்கை, தமிழ்நாடு ஊரக வாழ்வாதார இயக்கம், தீனதாயாள் உபாத்யாய கிராமப்புற திறன் பயிற்சி திட்டம். ஊரக சுயவேலைவாய்ப்பு பயிற்சி நிறுவனம், கிராம செழுமை மீட...

தேனி, அக்.2- தமிழ்நாடு முதலமைச்சர் ச.ஜோசப் விஜய் 2.10.2026 அன்று சென்னை, கோயம்பேடு புரட்சித்தலைவர் டாக்டர் எம்.ஜி.ஆர் பேருந்து நிலையத்தில் இருந்து தமிழ்நாடு முழுவதும் மகளிர் கட்டணமில்லா "வெற்றிப் பயணம் திட்டத்தை" தொடங்கி வைத்ததை தொடர்ந்து, தேனி மாவட்டம், கர்னல் ஜான் பென்னிகுயிக் தேனி புதிய பேருந்து நிலையத்தில் நடைபெற்ற நிகழ்ச்சியில் 4 வெற்றிப் பயண பஸ்களை மாவட்ட கலெக்டர் மரு.இரா.வைத்திநாதன் கொடியசைத்து தொடங்கி வைத்தார். தமிழ்நாட்டின் எந்தப் பகுதியிலும் வசிக்கும் மகளிரும் போக்குவரத்து கட்டணத்தால் தமது வாய்ப்புகளை இழக்கக்கூடாது என்ற சமூகநீதி சிந்தனையை முதன்மையாகக் கொண்டு, மகளிர் கட்டணமில்லா பயணத் திட்டத்தை விரிவுப்படுத்தி, பெருமளவில் பயனளித்திடும் விதமாக, 'வெற்றிப்பயணம்' திட்டம் தொடங்கப்படும் என்று தமிழ்நாடு முதலமைச்சர் அவர்களால் அறிவிக்கப்பட்டு, இன்று தமிழ்நாடு முழுவதும் தொடங்கி வைக்கப்பட்டுள்ளது. அதனடிப்படையில், தமிழ்நாடு அரசு போக்குவரத்துக் கழகம் (மதுரை) லிட் திண்டுக்கல் மண்டலத்தின் மூலம் தேனி மாவட்டத்தில், மதுரை - போடி வழித்தடம், மதுரை - கம்பம் வழித்தடம், மதுரை - கும...

  தேனி, செப்.28- தமிழ்நாடு முதலமைச்சர் ச.ஜோசப் விஜய் 28.9.2026 அன்று மதுரை இராசாசி அரசு மருத்துவமனையில் இருந்து தமிழ்நாடு முழுவதும் தாய்மாமன் தங்க மோதிரம் திட்டத்தை காணொளிக்காட்சி வாயிலாக தொடங்கி வைத்தார். இதனைத்தொடர்ந்து தேனி மாவட்டம், பெரியகுளம் அரசு மாவட்ட தலைமை மருத்துவமனையில் நடைபெற்ற நிகழ்ச்சியில், அரசு மருத்துவமனைகளில் பிறந்த குழந்தைகளுக்கு தாய்மாமன் தங்க மோதிரத்தை மாவட்ட  கலெக்டர் மரு.இரா.வைத்திநாதன் வழங்கினார். அரசு மருத்துவமனைகளில் பிரசவத்தை ஊக்குவித்தல். தாய் மற்றும் சேய் நலம் பேணுதல் ஆகியவற்றை நோக்கமாகக் கொண்டு, தமிழ்நாடு அரசு மருத்துவமனைகளில் கடந்த ஜூன் 22 2026 முதல் பிறக்கும் அனைத்து குழந்தைகளுக்கும் தாய்மாமன் தங்க மோதிரம் திட்டத்தின் கீழ் ஒரு கிராம் தங்க மோதிரம் வழங்கப்படும் என தமிழ்நாடு முதலமைச்சர் அவர்களால் அறிவிக்கப்பட்டதை தொடர்ந்து. இன்று இத்திட்டம் தொடங்கி வைக்கப்பட்டுள்ளது. அந்த வகையில், தேனி மாவட்டத்தில் உள்ள அரசு மருத்துவமனைகளில் பிறக்கும் குழந்தைகளுக்கு தங்க மோதிரங்கள் வழங்கும் விதமாக தேனி அரசு மருத்துவக்கல்லூரி மருத்துவமனை. பெரியகுளம் மாவட்ட அரசு தலைமை...

  தேனி, செப்.23- தேனி மாவட்ட கலெக்டர் அலுவலக கூட்டரங்கில் 22.9.2026 அன்று ஸ்ரீவில்லிப்புத்தூர் மேகமலை புலிகள் காப்பகம் (மேகமலை கோட்டம்) மற்றும் தேசிய வேளாண்மை மற்றும் ஊரக மேம்பாட்டு வங்கி (நபார்டு) இணைந்து நடத்திய நொச்சியோடை பழங்குடியினர் குடியிருப்புகளுக்கான மாதிரி சூரிய ஆற்றல் பழங்குடியினர் கிராம திட்ட தொடக்க விழா மாவட்ட கலெக்டர் மரு.இரா.வைத்திநாதன் தலைமையில் நடைபெற்றது. நொச்சியோடை என்பது ஸ்ரீவில்லிப்புத்தூர் மேகமலை புலிகள் காப்பகம் உட்பட்ட மேகமலை வனப் பகுதியின் மையப் பகுதியில் (Core Area) அமைந்துள்ள சுமார் 32 கி.மீ. தொலைவில் உள்ள  தொலைதூர பழங்குடியினர் குடியிருப்பாகும். இக்குடியிருப்பில் 18 குடும்பங்களை சேர்ந்த 76 பேர் வசித்து வருகின்றனர். பல வருடங்களாக மின்சார வசதி இன்றி வாழ்ந்து வந்த இப்பகுதி மக்கள், வெளிச்சத்திற்காக மண்ணெண்ணெய் விளக்குகளை நம்பியிருந்ததுடன், கைப்பேசிகளை மின்னேற்றம் செய்யவும், அடிப்படை தகவல் தொடர்பு வசதிகளைப் பெறவும் வனப்பகுதிக்கு வெளியே நீண்ட தூரம் பயணிக்க வேண்டியிருந்தது.  இப்பழங்குடியினரின் உரிமைகள் வன உரிமைச் சட்டம் 2006-ன் கீழ் அங்கீகரிக்கப்பட்டு...

தேனி, செப்.23- கோ-ஆப்டெக்ஸ் நிறுவனம் 1935-ஆம் ஆண்டு தொடங்கப்பட்டு இந்தியாவின் மிகப்பெரிய தலைமை கைத்தறி நெசவாளர் கூட்டுறவு சங்கமாக திகழ்ந்து வருகிறது. மேலும், தமிழ்நாடு முழுவதும் பரவியுள்ள நெசவாளர் கூட்டுறவு சங்கங்களில் நெசவாளர்களால் உற்பத்தி செய்யப்படும் தயாரிப்புகளை 90 ஆண்டுகளுக்கு மேலாக கோ-ஆப்டெக்ஸ்" என்ற வணிக முத்திரையுடன் தற்போது 146 விற்பனை நிலையங்கள் மூலம் வணிகப்படுத்தும் முன்னணி நிறுவனமாக செயல்பட்டு வருகின்றது.  பட்டு மற்றும் பருத்தி இரகங்களின் பாரம்பரிய மற்றும் நவீன சமகால வடிவமைப்புகளை கொண்டு சிறந்த கைத்தறி இரகங்களை வணிகப்படுத்தும் நிறுவனமாக கோ-ஆப்டெக்ஸ் விளங்கி வருகிறது. தீபாவளி பண்டிகை காலத்திற்கான புதிய வடிவமைப்புகளில் பட்டு சேலைகள், பருத்தி சேலைகள், பருத்தி வேட்டிகள், படுக்கை விரிப்புகள் மற்றும் ஏராளமான இரகங்கள் விற்பனைக்கு வைக்கப்பட்டு உள்ளன.  மேலும், இளைய தலைமுறை வடிவமைப்புகளில் அவர்களது தேவைகளை வாடிக்கையாளர்களுக்கேற்ற நிறைவேற்றும் வண்ணம் பாரம்பரிய பட்டு மற்றும் பருத்தி இரகங்களில் புதுமையான வடிவமைப்புகள் மற்றும் வண்ணங்களுடன் பல மதிப்பு கூட்டப்பட்ட இரகங்கள் விற்பன...

தேனி, செப்.10- தேனி மாவட்ட விளையாட்டு மைதானத்தில் முதலமைச்சர் கோப்பை 2026-க்கான மாவட்ட அளவிலான விளையாட்டு போட்டிகளை மாவட்ட கலெக்டர் மரு.இரா.வைத்திநாதன். பெரியகுளம் சட்டமன்ற உறுப்பினர் சபரி ஐங்கரன் முன்னிலையில் 9.9.2026 அன்று துவக்கி வைத்தார். தமிழ்நாடு முதலமைச்சர் அவர்கள் தமிழ்நாட்டை இந்தியாவின் விளையாட்டு தலைநகரமாக உருவாக்க வேண்டும் என்ற நோக்கத்தில் பல்வேறு நடவடிக்கைகளை மேற்கொண்டு வருகிறார்கள். மேலும், தமிழ்நாட்டில் உள்ள பள்ளி, கல்லூரி மாணவ, மாணவிகள், மாற்றுத்திறனாளிகள், பொதுமக்கள் மற்றும் அரசு பணியாளர்கள் என அனைவரும் பங்கேற்கும் வகையில் முதலமைச்சர் கோப்பை விளையாட்டுப் போட்டிகள் நடத்தப்பட்டு வருகின்றது. இந்த ஆண்டு வெவ்வேறு புதிய விளையாட்டுகள் சேர்க்கப்பட்டு 5 பிரிவுகளில் மாவட்ட அளவில் 17 விளையாட்டு போட்டிகள், மண்டல அளவில் 7 விளையாட்டு போட்டிகள் மற்றும் மாநில அளவில் 37 வகையான விளையாட்டு போட்டிகள் நடைபெற உள்ளது. தேனி மாவட்டத்தில் முதலமைச்சர் கோப்பை விளையாட்டு போட்டிகளில் பங்கேற்க மொத்தம் 52,000 பேர்கள் பதிவு செய்துள்ளனர். கடந்த ஆண்டைவிட 9.285 பேர்கள் கூடுதலாக பதிவு செய்துள்ளார்கள். முதல...

தேனி, செப்.1- தேனி மாவட்ட கலெக்டர் வைத்திநாதனிடம் பரம்பரை வனவாசிகள் உரிமை பாதுகாப்பு சங்கத்தின் தலைவர் தங்கமலை, ஒருங்கிணைப்பாளர் மருதுபாண்டி ஆகியோர் தலைமையில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது  தேனி மாவட்டத்தில் மேகமலை புலிகள் சரணாலயத்திற்காக வருசநாடு, மேகமலை, முருக்கோடை உள்ளிட்ட 98 மலை கிராம மக்களை அங்கிருந்து வெளியேற்ற உச்சநீதிமன்றம் உத்தரவிட்டுள்ளது இந்த வெளியேற்ற நடவடிக்கை தொடர்பாக அனைத்தும் சரியாக நடக்கவில்லை என்பதை அதிகாரிகளின் கவனத்திற்கு நாங்கள் ஏற்கனவே கடிதம் மூலம் கொண்டு வந்திருந்தோம் என்பதையும். மேலும் FRA-வின் கீழ் ஒரு நபர் பரிசீலிக்க தகுதியற்றவர் என்ற கேள்வி உள்பட FRA-வின் அனைத்து அம்சங்களையும் உச்ச நீதிமன்றம் பரிசீலிக்கும் வரை எவரும் வெளியேற்றப்பட கூடாது என்று WP(C) 109/2008-ல் 28.2.2019 அன்று உச்ச நீதிமன்றம் பிறப்பித்த உத்தரவின் நகலையும் நாங்கள் சமர்ப்பித்திருந்தோம் என்பதையும் தங்கள் கருத்திற்கு கொண்டு வர விரும்புகிறோம்.  ஆனால், மாவட்ட அதிகாரிகள் உச்ச நீதிமன்றத்தின் உத்தரவை வேண்டுமென்றே மீறுவதில் பிடிவாதமாக உள்ளனர். மேலும் அந்த...

  தேனி, ஆக.20- தேனி அல்லிநகரம் நகராட்சி கவுன்சிலர் கிருஷ்ண பிரபா அய்யப்பன் மற்றும் முன்னாள் கவுன்சிலர் நவநீதகிருஷ்ணன் ஆகியோர் தலைமையில் பொதுமக்கள் தேனி மாவட்ட கலெக்டர் அலுவலகத்தில் புகார் மனு ஒன்று கொடுத்துள்ளனர் அந்த மனுவில் கூறப்பட்டிருந்ததாவது, தேனி மாவட்டம், தேனி தாலுகா, ஊஞ்சாம்பட்டி கிராமத்தில் உள்ள ரேணுகா நகரில் இருக்கும் நிலங்கள் முன்னாள் ராணுவ வீரர் மாணிக்கவாசகன், முத்து பேச்சி, ராமசாமி உள்பட 15 பேர்களுக்கு சொந்தமான நிலங்களாகும். இந்த நிலங்களை ஒண்டிவீரன் காலனியை சேர்ந்த ராஜன் என்பவருடைய மகன் அலெக்ஸாண்டர் எவ்வித ஆவணங்களும் இல்லாமல் அது தன்னுடைய நிலம் என்று சொல்லி, நிலத்தை அபகரித்து வேலி அமைத்து மணல் திருட்டு வேலை செய்து வருகிறார்.  மேலும் 10-க்கும் மேற்பட்ட ஆட்களை வைத்து கொண்டு பொக்லைன் மூலம் முள்வேலிகளை உடைத்து அத்துமீறி உள்ளே நுழைந்து 15 பேர்களின் நிலங்களான 9 ஏக்கருக்கும் மேல் உள்ள நிலங்களை தன் கட்டுப்பாட்டில் கொண்டுவர முயற்சி செய்து நில அபகரிப்பு செய்து வருகிறார். அந்த சர்வே எண்களுக்கு கட்டுப்பட்ட நிலம் பஞ்சமி நிலமோ அல்லது கள்ளர் ஜாதி நிலமோ அல்லாத பட்டா நிலங்களாகும்....

தேனி, ஆக.15 இந்திய நாட்டின் 80-ஆவது சுதந்திர தினவிழாவினை முன்னிட்டு தேனி மாவட்டத்தில் உள்ள 130 ஊராட்சிகளில் கிராம சபை கூட்டம் 15.8.2026 அன்று நடைபெற்றது.  இதில் தேனி ஊராட்சி ஒன்றியம் அம்பாசமுத்திரம் ஊராட்சியில் நடைபெற்ற கூட்டத்தில் மாவட்ட கலெக்டர் மரு.இரா.வைத்திநாதன் சிறப்பு பார்வையாளராக பங்கேற்றார். இக்கூட்டத்தில் மாவட்ட கலெக்டர் வைத்திநாதன் பேசுகையில், ஊராட்சிகளில் நடக்கும் கிராம சபை கூட்டத்தின் முக்கிய நோக்கம் ஒரு கிராமத்திற்கு தேவையான அனைத்து அடிப்படை வசதிகளை கண்டறிந்து பொதுமக்களின் முன்னிலையில் ஆலோசனைகள் செய்து, அதனை செயல்படுத்திட தேவையான நடவடிக்கைகளை மேற்கொள்ளவதாகும். தமிழ்நாட்டில் வருடத்திற்கு 6 முறை கிராம சபை கூட்டங்கள் நடத்தப்படுகிறது. கிராமப்புற மக்களின் நலனுக்காக நடத்தப்படும் இதுபோன்ற கிராம சபைக் கூட்டங்களில் பொதுமக்கள் தவறாமல் கலந்து கொள்ள வேண்டும் என்று கலெக்டர் பேசினார். இந்த கூட்டத்தில், கிராம ஊராட்சி நிர்வாகம் மற்றும் பொது நிதி செலவினம், கிராம ஊராட்சியின் தணிக்கை அறிக்கை, டெங்கு காய்ச்சல் தடுப்பு நடவடிக்கைகள், மக்கள் திட்டமிடல் இயக்கம். தொழிலாளர் வரவு, செலவு திட்டம்...

தேனி, ஆக.8- தேனி மாவட்டம், முல்லைப் பெரியாறு அணையிலிருந்து இன்று (8.8.2026) நீர்வளத்துறை சார்பில், கம்பம் பள்ளத்தாக்கு இருபோக ஆயக்கட்டு பகுதிகளில் முதல் போக சாகுபடிக்காகவும், குடிநீர் தேவைக்காகவும் மாவட்ட கலெக்டர் மரு.இரா.வைத்திநாதன் தண்ணீரை திறந்து வைத்தார். தமிழ்நாடு முதலமைச்சர் அவர்களின் ஆணைக்கிணங்க தேனி மாவட்டம், கம்பம் பள்ளத்தாக்கு இருபோக ஆயக்கட்டு பகுதிகளில் முதல்போக சாகுபடிக்கு 14,707 ஏக்கர் நிலங்களுக்கு வினாடிக்கு 200 கன அடி வீதமும், தேனி மாவட்டம் மற்றும் மதுரை மாநகராட்சி குடிநீர் தேவைக்காக வினாடிக்கு 150 கன அடி வீதமும் என மொத்தம் வினாடிக்கு 350 கன அடி தண்ணீர் இன்று முதல் 120 நாட்களுக்கு நீர் இருப்பு மற்றும் நீர் வரத்தை பொறுத்து தண்ணீர் திறந்து விடப்பட்டுள்ளது. இதன்மூலம் கம்பம் பள்ளத்தாக்கு ஆயக்கட்டு பகுதிகளில் உள்ள 14,707 ஏக்கர் நிலங்கள் பாசன வசதி பெறும். எனவே தேனி மாவட்டத்தை சார்ந்த விவசாயப் பெருங்குடி மக்கள் இந்நீரை சிக்கனமாக பயன்படுத்தி குறுகிய காலப் பயிர்களை நடவு செய்தும், நீர் மேலாண்மை மேற்கொண்டு உயர் மகசூல் பெற்று பயன்பெற வேண்டும் என மாவட்ட கலெக்டர் வைத்திநாதன் தெரிவித்த...

தேனி, ஆக.4- தேனி மாவட்ட கலெக்டர் அலுவலகத்தில் தமிழ்நாடு ஆரம்பப்பள்ளி ஆசிரியர் கூட்டணியினர் மாவட்ட செயலாளர் ராம்குமார் தலைமையில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது,  ஆசிரியர்கள் பணிபுரியும் பகுதியிலேயே கணக்கெடுப்பு பணி வழங்காமல் பல்வேறு கி.மீ தூரம் ஊராட்சி விட்டு ஊராட்சி, பேரூராட்சி  நகராட்சி பகுதிகளில் பணி வழங்கியது. கணக்கெடுப்பாளர்களுக்கு அதிகப்படியான  வீடுகள் ஒதுக்கீடு செய்திருப்பது. எந்தவிதமான சந்தேகங்களுக்கும் முறையான பதில் வழங்காமல் மாவட்ட கலெக்டரிடம் கேட்டுக்கொள்ளுங்கள் என்ற பதில் கூறுவது. பல்வேறு மாவட்டங்களில் மக்கள் தொகை கணக்கெடுப்பு பணியில் ஈடுபடும் ஆசிரியர்களுக்கு முற்பகல் அல்லது பிற்பகல் அனுமதி தரப்பட்டுள்ள நிலையில்  தேனி மாவட்டத்தில் பிற்பகல் 3 மணிக்கு மேல் கிராமங்களுக்கு சென்று மக்களை தொகை கணக்கெடுப்பு பணியில் ஈடுபட வேண்டும் என்று வாய்மொழி உத்தரவு. அதுபோல பொது மக்கள் தாமாக முன்வந்து புள்ளி விவரம் அளிக்கும் வாய்ப்பு குறைவு அங்கன்வாடி, சத்துணவு ஊழியர் களை உதவிக்கு அழைத்தால் அவர்கள் வருவதில்லை. அதுபோல சில மாவட்டங்களில் கணக்...

தேனி, ஜூலை.27- தேனி மாவட்டம் தேனி-அல்லிநகரம் நகராட்சி தூய்மை பணியாளர்கள் மற்றும் அவர்களது குடும்ப உறுப்பினர்களுக்கான அரசு சேவைகள் மற்றும் நலத்திட்ட சிறப்பு வசந்த மகால் மண்டபத்தில் நடைபெற்றது. இந்த முகாமினை மாவட்ட கலெக்டர் மரு.இரா.வைத்திநாதன், பெரியகுளம் சட்டமன்ற உறுப்பினர் க.சபரி ஐங்கரன் முன்னிலையில் நேரில் பார்வையிட்டார். தமிழ்நாடு அரசின் நகராட்சி நிர்வாக இயக்குநரகம், தேனி-அல்லிநகரம் நகராட்சி சார்பில், தூய்மை பணியாளர்கள் மேம்பாட்டுத் திட்டத்தின் கீழ், தூய்மை பணியாளர்கள் மற்றும் அவர்களது குடும்ப உறுப்பினர்களுக்கு அரசு சேவைகள் மற்றும் நலத்திட்டங்கள் முழுமையாக சென்றடையும் வகையில் சிறப்பு முகாம் நடத்தப்படுகிறது. இம்முகாமில் தமிழ்நாடு தூய்மை பணியாளர் நல வாரியத்திற்கான உறுப்பினர் பதிவு, திருமண உதவி. விபத்து நிவாரணம், மகப்பேறு உதவி. கல்வி உதவித்தொகை. வாழ்வாதார உதவி திட்டங்கள், இயற்கை மரணம். பணியின்போது உயிரிழப்பு ஆகியவற்றிற்கான நிவாரணம் கோரும் விண்ணப்பப் பதிவு சேவைகள், மருத்துவக் காப்பீட்டுத் திட்டம், பொதுமருத்துவ பரிசோதனை. தொழுநோய் பரிசோதனை உள்ளிட்ட சுகாதார சேவைகள், ஆதார் பதிவு திருத்தம், க...