தேனியில் போதைப்பொருள் தீமை குறித்து விழிப்புணர்வு ஓட்டம் : மாவட்ட கலெக்டர் வைத்திநாதன் கொடியசைத்து தொடங்கி வைத்தார்

தேனி, ஜூன்.26-

தேனி மாவட்ட விளையாட்டு மைதானத்தில் இன்று (26.6.2026) உலக போதைப்பொருள் தடுப்பு தின சர்வதேச நாளையொட்டி போதைப்பொருள் இல்லாத உருவாக்க வேண்டும் நோக்கில், Start Run, Stop Drug Anti Drug Run 2026 விழிப்புணர்வு ஓட்டம் மற்றும் சமூகத்தை என்ற விழிப்புணர்வு உறுதிமொழி ஏற்கும் நிகழ்ச்சிகள் மாவட்ட கலெக்டர் மரு.இரா.வைத்திநாதன் தலைமையில் நடைபெற்றது.

இந்நிகழ்ச்சியின் போது மாவட்ட கலெக்டர் அவர்கள் போதைப்பொருள் தடுப்பு குறித்த உறுதிமொழி மேற்கொண்டு, தொடர்ந்து Start Run, Stop Drug - Anti Drug Run 2026' விழிப்புணர்வு ஓட்டத்தை துவக்கி வைத்தார். இதில் மாணவர்கள், இளைஞர்கள், தன்னார்வ அமைப்புகள், அரசு அலுவலர்கள் மற்றும் பொதுமக்கள் என சுமார் 2000-க்கும் மேற்ப்பட்டோர் பங்கேற்றனர். 

இத்தொடர் ஓட்டம் தேனி நகரின் முக்கிய வீதிகள் வழியாக பொதுமக்கள் பார்த்து போதைப்பொருளால் ஏற்படும் தீமைகள் குறித்த விழிப்புணர்வை அறியும் வண்ணம் பதாகைகள் ஏந்தி நிறைவாக விழிப்புணர்வு தொடர் ஓட்டம் மாவட்ட விளையாட்டு மைதானத்தை வந்தடைந்தது.

இந்த விழிப்புணர்வு ஓட்டத்தில் பங்கேற்ற அனைவருக்கும் பாராட்டு சான்றிதழ்களை பெரியகுளம் சட்டமன்ற உறுப்பினர் சபரி ஜங்கரன் அவர்கள் வழங்கி பாராட்டினார்.

இந்நிகழ்ச்சியில் மாவட்ட வருவாய் அலுவலர் ராஜகுமார், உதவி ஆணையர் பஞ்சாபிகேசன், துணை காவல் கண்காணிப்பாளர் சீராளன், மாவட்ட விளையாட்டு அலுவலர் சிவக்குமார். மாவட்ட குழந்தைகள் நல அலுவலர் மதியழகன் உள்பட அலுவலர்கள் பலர் கலந்து கொண்டனர்.

............................

நாகராஜ், தலைமை நிருபர்