Sukran News

தேனி, செப்.26- தேனியில் தமிழ் இலக்கியக் கழகம் தொடக்கம் நிகழ்ச்சி தேனி காமராஜர் பூங்கா அருகே உள்ள திண்ணை பயிற்சி மையத்தில் 26.9.2026 அன்று நடைபெற்றது.  நிகழ்ச்சிக்கு வி. பழனிச்சாமி தலைமை தாங்கினார்.  புலவர் சேவியர் பீட்டர் முன்னிலை வகித்தார்.  நிகழ்ச்சியில் திண்ணை பயிற்சி மைய நிர்வாகி செந்தில், எழுத்தாளர் சுப்பிரமணி, ஆண்டிபட்டி ஞானபாரதி, சின்னமனூர் வட்டார தொழில் முனைவோர் சங்க உதயகுமார், தொழிலதிபர்கள் ஜாய், நிக்சன், அய்யன் குமார், தமிழாசிரியர் போடி பழனிச்சாமி உள்பட தமிழ் அறிஞர்கள், தமிழ் ஆர்வலர்கள் பலர் கலந்து கொண்டனர்.  நிகழ்ச்சியின் போது தமிழ் மொழி, தமிழ் சமுதாயம் சேவை செய்யும் நோக்கத்தில் தொடங்கப்பட்டுள்ள இந்த தமிழ் இலக்கியக் கழகத்திற்கு புதிய உறுப்பினர்கள் சேர்க்கை மற்றும் செயல்பாடுகள் குறித்து ஆலோசனை செய்யப்பட்டது.  ................................ K.நாகராஜ், தலைமை நிருபர்  

தேனி, செப்.22- தேனி மாவட்ட உலக அமைதிக்குழு மற்றும் மனிதநேய காப்பகம் சார்பில் உலக அமைதி தினத்தை முன்னிட்டு, ஒற்றுமையை வலியுறுத்தியும் உலகப் போர்களை நிறுத்தக்கோரியும் மாபெரும் விழிப்புணர்வு பேரணி மற்றும் உலக அமைதிக்கான விருது வழங்கும் விழா 21.9.2026 அன்று தேனியில் நடைபெற்றது. தேனி புதிய பேருந்து நிலையத்திலிருந்து பழைய பேருந்து நிலையம் வரை நடைபெற்ற உலக அமைதி தின விழிப்புணர்வு பேரணியை தேனி மாவட்ட போலீஸ் ஏ.டி.எஸ்.பி., மகேஷ் கொடியசைத்து துவக்கி வைத்தார்.  இந்த ஊர்வலத்தில் தேனி வெளிச்சம் அறக்கட்டளை நிறுவனர் சமூக ஆர்வலர் சிதம்பரம் உள்பட நூற்றுக்கணக்கான மாணவர்கள், இளைஞர்கள் மற்றும் பொதுமக்கள் கலந்து கொண்டு கையில் விழிப்புணர்வுப் பேனர்களை ஏந்தி சென்றனர். அதனைத்தொடர்ந்து தேனி 'வெஸ்டர்ன் காட்ஸ்' ஹோட்டலில் உலக அமைதிக்கான விருது வழங்கும் விழா மாலையில் நடைபெற்றது. விழாவிற்கு ஏ.எம்.ஆர் குழும நிறுவனங்களின் தலைவர் (AMR Group of Companies) AMRR. சந்திரகுமார் தலைமை தாங்கினார். விழாவில் சிறப்பு விருந்தினராக கலந்துகொண்ட தேனி மாவட்ட நிரந்தர மக்கள் நீதிமன்ற தலைவரும், மாவட்ட நீதிபதியுமான A.K.K. இரஜினி,...

தேனி, செப்.19- தமிழ்நாடு தொண்டு நிறுவனங்களின் கூட்டமைப்பு (TAFVA) சார்பில், தமிழ்நாடு முழுவதிலும் இருந்து வந்த மாநில நிர்வாகிகளுடன் கம்பம் சட்டமன்ற உறுப்பினர்  பி.எல்.ஏ. ஜெகநாத் மிஸ்ரா கலந்துரையாடினார். அப்போது தொண்டு நிறுவனங்கள் மற்றும் மகளிர் சுயஉதவி குழுக்கள் எதிர்கொள்ளும் முக்கிய பிரச்சினைகள், அரசின் நலத்திட்டங்களை பெறுவதில் உள்ள சவால்கள் மற்றும் அவர்களின் வளர்ச்சிக்கு தேவையான நடவடிக்கைகள் குறித்து எம்.எல்.ஏ., கேட்டறிந்தார். கூட்டமைப்பு சார்பில், தொண்டு நிறுவனங்கள் மற்றும் மகளிர் சுயஉதவிக் குழுக்களின் நலன், வளர்ச்சி மற்றும் உரிமைப் பாதுகாப்பு தொடர்பான கோரிக்கை மனுக்கள் சட்டமன்ற உறுப்பினரிடம் வழங்கப்பட்டன. மனுக்களில் இடம்பெற்ற கோரிக்கைகள் மீது உரிய கவனம் செலுத்தி, சம்பந்தப்பட்ட அரசுத்துறைகளுடன் பேசி தீர்வு காண தேவையான முயற்சிகளை மேற்கொள்வேன் என்று எம்.எல்.ஏ., உறுதியளித்தார். இந்நிகழ்வில் கலந்து கொண்ட தொண்டு நிறுவன பிரதிநிதிகளின் சேவையை பாராட்டி, சட்டமன்ற உறுப்பினர் ஜெகநாத் மிஸ்ரா பாராட்டுச் சான்றிதழ்கள் வழங்கி, பதக்கங்களை அணிவித்து கௌரவித்தார். இந்த நிகழ்ச்சியில் கூட்டமைப்பு சட்...

தேனி, ஜூலை.27- தேனி மாவட்டம், தமிழ் அறம் அறக்கட்டளை சார்பில் அறக்கட்டளை நிறுவனர் & தலைவர் மு.ஈஸ்வரன் தலைமையில் பல்வேறு சமூக பணிகள் மேற்கொள்ளப்பட்டு வருகின்றன. இந்நிலையில் அறக்கட்டளை சார்பில் மறைந்த முன்னாள் ஜனாதிபதி டாக்டர். ஏ.பி.ஜே. அப்துல் கலாம் அவர்களின் 11-ம் ஆண்டு நினைவு நாளை முன்னிட்டு, போடிநாயக்கனூர், தர்மத்துப்பட்டியில் செயல்பட்டு வரும் நிர்மலா நடுநிலைப்பள்ளியில் உள்ள மாணவர்களுக்கு அன்னதானம் வழங்கும் நிகழ்ச்சி நடைபெற்றது.  இந்நிகழ்வில் சிறப்பு அழைப்பாளராக  CPI. ML. மாவட்ட செயலாளர் ஜோதிபாண்டிகண்ணன் கலந்து கொண்டு அன்னதானத்தை துவக்கி வைத்தார். நிகழ்ச்சியின் போது பள்ளி நிர்வாகத்தினர் அறக்கட்டளை நிறுவனர் மற்றும் தலைவர் மு.ஈஸ்வரனுக்கு பொன்னாடை அணிவித்து மரியாதை செய்தனர். நிகழ்வில் சமூக ஆர்வலர்கள் மற்றும் தன்னார்வலர்கள் பலர் கலந்து கொண்டனர். .................. ......................... நாகராஜ் காமுத்துரை, தலைமை நிருபர் 

தேனி, ஜூன்.20- தேனி மாவட்ட கலெக்டர் அலுவலக கட்டிடத்தில் இயங்கும் நூலகத்தில் அரசு அலுவலர்கள், மாணவர்கள், பொதுமக்கள் நூலகத்தில் உள்ள புத்தகங்களை எடுத்து படித்து தங்களின் அறிவை மேம்படுத்தி கொண்டு வருகின்றனர். இந்நிலையில் இந்த நூலக அலுவலரிடம் தேனி மாவட்டம், கம்பம் பகுதியை சேர்ந்த அன்பு அறம் செய் அறக்கட்டளை நிறுவனர் சுருளிப்பட்டி ரா.அன்பு ராஜா தனக்கு பரிசாக கிடைத்த புத்தகங்களை அனைவரும் படிப்பதற்காக தமிழக விவசாயிகள் பாதுகாப்பு சங்கம் தேனி மாவட்ட ஒருங்கிணைப்பாளர் சீனிராஜ் முன்னலையில் 19.6.2026 அன்று நூலகத்திற்கு வழங்கினார்.  நூலகத்திற்கு புத்தகங்களை வழங்கிய அன்பு அறம் செய் அறக்கட்டளை நிர்வாகி அன்பு ராஜா தொடர்ந்து பல்வேறு சமூக பணிகளில் தன்னை ஈடுபடுத்தி கொண்டு சமூக சேவை செய்து வரும் தன்னார்வலர் என்பது குறிப்பிடத்தக்கது. ........................... நாகராஜ், தலைமை நிருபர் 

தேனி, ஜூன்.6- இந்தியன் ரெட் கிராஸ் சொசைட்டி தேனி மாவட்டம், கம்பம் ஒன்றியம் கிளை சார்பில் உலக சுற்றுச்சூழல் தினம் விழா கம்பம் ஸ்ரீ முத்தையா பிள்ளை நினைவு மேல்நிலைப்பள்ளி வளாகத்தில் கொண்டாடப்பட்டது. விழா பள்ளி தலைமை ஆசிரியர் ஹரி ஜக் தலைமையில் விழிப்புணர்வு நிகழ்ச்சிகளுடன் நடைபெற்றது. அப்போது மாணவர்களுக்கு ஓவிய போட்டிகள் நடத்தப்பட்டு மரக்கன்றுகள் மஞ்சள் பையில் வழங்கப்பட்டது. இதனைத் தொடர்ந்து  சுற்றுச்சூழல் உறுதிமொழி ஏற்கப்பட்டது. இந்நிகழ்வில் இயன்முறை மருத்துவர் பூர்ணிமா, காவலர் சுரேந்திரன், ரெட் கிராஸ் இயக்க செயலாளர் பாண்டி மற்றும் சமூக சேவகர் அன்பு ராஜா உள்பட பலர் கலந்து கொண்டனர். இதேபோன்று கம்பம் அன்பு அறம் செய் அறக்கட்டளை சார்பில் கம்பம் அருகே உள்ள சுருளிப்பட்டி ஊராட்சியில் உலக சுற்றுச்சூழல் தினத்தை முன்னிட்டு முல்லைப் பெரியாற்றுக்கரையில் 50க்கும் மேற்பட்ட மரக்கன்றுகள் நடவு செய்து, சுற்றுச்சூழலை பாதுகாக்க விழிப்புணர்வு ஏற்படுத்தப்பட்டது. நிகழ்ச்சிக்கு சிறப்பு விருந்தினராக வனவர் ஜெய்கணேஷ், வனவர் சுப்பிரமணி,சுருளிப்பட்டி ஊராட்சி அலுவலக கிளர்க் பிச்சைமணி, விவசாயி சங்கிலி, மோகன், லதா,...

தேனி, 28- தேனி மாவட்டம், கம்பம் சட்டமன்ற உறுப்பினர் பி.எல்.ஏ. ஜெகநாத் மிஸ்ரா அவர்களுக்கு தமிழ்நாடு தொண்டு நிறுவனங்களின் கூட்டமைப்பு மாநில பொதுச் செயலாளர் மற்றும் வினோரா பவுண்டேசன் இயக்குனர் லென். டாக்டர் வி.ஆர். ராஜன் தேனி மாவட்டத்தில் குடிநீர், நீர்வள பாதுகாப்பு, ஆற்றுப்பாதுகாப்பு மற்றும் சுற்றுச்சூழல் மேம்பாட்டு திட்டங்களை செயல்படுத்துவது குறித்து கோரிக்கை விடுத்துள்ளார். அந்த கோரிக்கையில் கூறப்பட்டுள்ளதாவது, தேனி மாவட்ட மக்களின் எதிர்கால குடிநீர் பாதுகாப்பு, நிலத்தடி நீர் உயர்வு, விவசாய வளம் மற்றும் சுற்றுச்சூழல் பாதுகாப்பை கருத்தில் கொண்டு கீழ்க்கண்ட திட்டங்களை தங்களது தலைமையில் செயல்படுத்துமாறு அன்புடன் கேட்டுக்கொள்கிறோம். 1. “ஒரு குடம் – ஒரு ரூபாய்” மினரல் வாட்டர் திட்டம் கிராம ஊராட்சிகளில் ஏழை மற்றும் நடுத்தர மக்களுக்கு தூய்மையான குடிநீர் கிடைக்கும் வகையில் “ஒரு குடம் – ஒரு ரூபாய்” மினரல் வாட்டர் திட்டத்தை அறிமுகப்படுத்த வேண்டும். -இந்த திட்டம் ஆந்திரப் பிரதேசத்தில் வெற்றிகரமாக செயல்பட்டு வருகிறது. -CSR நிதி மூலம் RO குடிநீர் மையங்கள் அமைக்கலாம். -குடிநீரால் பரவும் நோய்கள் குறைய...

தேனி, அக்.27- தேனி மாவட்ட கலெக்டர் அலுவலகம் முன்பு வன வேங்கைகள் கட்சியின் மாநில பொதுச்செயலாளர் உலகநாதன் தலைமையில் தேனி மாவட்ட செயலாளர் செந்தில், மாவட்ட தலைவர் ஏகலைவன் ஆகியோர் முன்னிலையில் குறவர் சமூக மக்கள் 27.10.2025 அன்று ஆர்ப்பாட்டத்தில் ஈடுபட்டனர்.  அப்போது கோரிக்கைகள் குறித்து கண்டன கோஷங்கள்  எழுப்பினார்கள். இதனைத்தொடர்ந்து கலெக்டர் அலுவலகத்தில் கோரிக்கை மனு ஒன்று கொடுத்தனர். அந்த மனுவில், இந்து (SC) குறவர் சமூக மக்கள் 100-க்கும் மேற்ப்பட்ட குடும்பங்கள் தேனி மாவட்டம், பெரியகுளம் வட்டம், வடவீர நாயக்கன்பட்டி ஊராட்சிக்கு உட்பட்ட  அம்மாபட்டி கிராமம் இளவெயினி நகர் பகுதியில் மற்றும் தேனி மாவட்ட முழுவதும் வசித்து வருகிறோம்.  மேலும் கடந்த 2017-ம் ஆண்டு மேற்கண்ட இடத்தில் இலவச வீட்டுமனை பட்டா தேனி நகர் மற்றும் கிராம பகுதிகளில் வசிக்கக்கூடிய குறவர் சமூக மக்களுக்கு அன்றைய மாவட்ட நிர்வாகத்தால் வழங்கப்பட்டது. இந்நிலையில் மேற்கண்ட பட்டா வழங்கிய இடத்தில் தமிழ்நாடு நகர்புற வாழ்விட மேம்பாட்டு வாரியம் மூலமாக தனி தரைதளம் 175 குடியிப்புகள் கட்டி முடிக்கப்பட்டு குறவர் (SC) 88 குடும்ப...

தேனி, அக்.25- தேனி பஸ் நிலையத்தில் சுமார் 70 வயது மதிக்கத்தக்க இரு மூதாட்டிகள் ஆதரவின்றி தவித்தனர். இது குறித்து தகவல் அறிந்த ம.சுப்புலாபுரம் அரசு ஆரம்ப சுகாதார நிலைய மருந்தாளுநர் ரஞ்சித்குமார் போலீசார் உதவியுடன் அவர்களை மீட்டார். அதன்பின்னர் அவர்களை விசாரித்ததில் அவர்கள் பெயர் கனகா 70 மற்றும் வசந்தா 68 என்பது தெரியவந்தது. இருவருக்கும் திருமணம் ஆகவில்லை. மதுரை மாவட்டத்தை சேர்ந்த அவர்களை அவர்களது குடும்பத்தினர்களே தேனி பஸ் நிலையத்தில் இறக்கிவிட்டு சென்றதாக தெரிவித்தனர்.  இதனைத்தொடர்ந்து ஆதரவின்றி தவித்த மூதாட்டிகளுக்கு உணவு கொடுத்து மாற்று உடை அணிவித்து அவர்களை தேவாரம் அருகே லட்சுமிநாயக்கன்பட்டியில்  உள்ள முதியோர் காப்பகத்தில் சேர்த்து விட்டார். இதுகுறித்து ரஞ்சித்குமார் கூறுகையில், வெளியூர்களில் இருந்து கொண்டு வந்து தேனி மாவட்டத்தில் தவிக்க விட்டு செல்லும் முதியோர்களின் எண்ணிக்கை நாளுக்கு நாள் அதிகம் ஆகிறது. மனிதநேயத்துடன் முதியோர்களை பாதுகாத்து பராமரிக்க முன்வர வேண்டும். வெளியூர் மற்றும் கேரளாவில் இருந்து முதியவர்களை தேனி மாவட்டத்தில் விட்டு செல்பவர்களை சமூக நலத்துறையினர் கண்...

தேனி, அக்.10- இந்து மக்கள் கட்சி தொண்டரணி மாநில துணைத்தலைவர் குரு அய்யப்பன் தலைமையில் மண்டல தலைவர் கருப்பையா, தேனி மாவட்ட தலைவர் ரவிச்சந்திரன், பொதுச்செயலாளர் கார்த்திக் மற்றும் முனியாண்டி, கணேசன் உள்பட கட்சியினர் தேனி மாவட்ட கலெக்டர் அலுவலகத்தில் கோரிக்கை மனு ஒன்று கொடுத்துள்ளனர். அந்த மனுவில் , இந்திய நாட்டில் இந்துக்கள் கொண்டாடும் மிகப்பெரிய பண்டிகையான தீபாவளி பண்டிகை வருகிற 20.10.2025 அன்று கொண்டாடப்பட உள்ளது. பண்டிகைகள் என்பது குடும்பங்கள் உற்றார் உறவினர்கள் ஒன்று சேர்ந்து கொண்டாடி களிப்பதற்காகவும், குடும்பத்தில் ஒற்றுமை உணர்வு மேலோங்குவதற்காகவும் ஏற்படுத்தப்பட்டது. இந்த நிலையில் இந்த சமயங்களில் மதுக்கடைகள் திறந்து வைத்திருப்பதன் மூலமாக இளைஞர்கள் முதல் முதியவர்கள் வரை மதுப்பழக்கத்திற்கு அடிமையாகி மது குடித்துவிட்டு பண்டிகைகளை சிறப்பாக கொண்டாட முடியாத நிலையை ஏற்படுத்துகின்றனர். மேலும் மது அருந்திவிட்டு குடும்ப தலைவிகளை சித்ரவதை செய்வது,, குழந்தைகளை சித்ரவதை செய்வது என்று பல்வேறு இன்னல்களுக்கு குடும்பத்தினர் ஆளாகின்றனர். மேலும் மது குடித்துவிட்டு வாகனங்கள் ஓட்டுவதன் மூலம் விபத்துகளி...

தேனி, செப்.21- தேனி மாவட்ட உலக அமைதி குழு சார்பில் உலக அமைதி தின விழா தேனி வெஸ்டர்ன் கார்ட்ஸ் ஹோட்டலில் ராணுவ வீரர்களுக்கு தியாக செம்மல் விருது மற்றும் கல்வி சேவையாளர்களுக்கு விருது வழங்கி கொண்டாடப்பட்டது.  விழாவிற்கு தமிழ்நாடு பாண்டிச்சேரி வழக்கறிஞர் சங்கங்களின் கூட்டமைப்பு தென் மண்டல செயலாளர் எம்.கே.எம் முத்துராமலிங்கம் தலைமை தாங்கினார்.  உலக அமைதி குழு பொதுச்செயலாளர் ஜெயபால், தேனி மாவட்ட பொறுப்பாளர் சுந்தர் ரமேஷ் ஆகியோர் முன்னிலை வகித்தனர். உலக அமைதி குழு இயக்குனர் பால்பாண்டி வரவேற்றார்.  விழாவில் தேனி பாராளுமன்ற உறுப்பினர் தங்க தமிழ்ச்செல்வன் சிறப்பு விருந்தினராக கலந்து கொண்டு ராணுவ வீரர்களுக்கு தியாக செம்மல் விருது மற்றும் கல்வி சேவையாளர்களுக்கு விருதுகள் வழங்கினார். விழாவில் தொழிலதிபர் சந்திரகுமார், ஒருங்கிணைந்த பள்ளிக்கல்வி திட்டம் உதவி திட்ட அலுவலர் மோகன், தமிழ்நாடு தொண்டு நிறுவனங்களின் கூட்டமைப்பு பொதுச்செயலாளர் டாக்டர் வி.ஆர்.ராஜன், மாவட்ட திட்டக்குழு உறுப்பினர் நாராயண பாண்டியன், சோல்ஜர் அகாடமி இயக்குனர் சின்னச்சாமி, வெற்றி தமிழர் பேரவை மாவட்ட தலைவர் மணி கார்த்த...