Sukran News

தேனி, அக்.17- தேனி மாவட்டம், தேனி அல்லிநகரம் நகராட்சிக்கு உட்பட்ட வீரப்ப அய்யனார் கோயிலுக்கு செல்லும் வழியில், திண்டுக்கல் TO குமுளி பைபாஸ் சாலை அருகே குப்பைகள் கொட்டப்பட்டு வருவதால், அப்பகுதி குப்பைக் கிடங்காக மாறி வருவதாக பொதுமக்கள் வேதனை தெரிவிக்கின்றனர். சாலையோரத்தில் குவிந்து கிடக்கும் குப்பைகளால் அப்பகுதி முழுவதும் துர்நாற்றம் வீசுவதுடன், சுற்றுச்சூழல் பாதிக்கப்படும் சூழலும் ஏற்பட்டுள்ளது. இதனால், வீரப்ப அய்யனார் கோயிலுக்கு செல்லும் பக்தர்கள், அந்த வழியாக செல்லும் வாகன ஓட்டிகள் மற்றும் அப்பகுதியில் வசிக்கும் பொதுமக்கள் பெரும் சிரமத்திற்கு ஆளாகி வருகின்றனர். நகரின் தூய்மையை பாதுகாக்க வேண்டிய நகராட்சி நிர்வாகம், பொதுமக்களுக்கும் சுற்றுச்சூழலுக்கும் பாதிப்பை ஏற்படுத்தாத வகையில் குப்பைகளை அகற்றுவதற்கும், அவற்றை முறையாக கையாளுவதற்கும் உரிய நடவடிக்கை எடுக்க வேண்டும். இது தொடர்பாக இந்து எழுச்சி முன்னணி தேனி மாவட்டச் செயலாளர் இராமமூர்த்தி வெளியிட்டுள்ள அறிக்கையில் கூறியிருப்பதாவது, வீரப்ப அய்யனார் கோயிலுக்கு செல்லும் பாதையில் குப்பைகள் கொட்டப்படுவதை தடுத்து, அப்பகுதியை தூய்மையாக நகராட்சி...

தேனி, செப்.23- தமிழ்நாடு தொண்டு நிறுவனங்களின் கூட்டமைப்பு மற்றும் பென்னிகுயிக் அரிமா சங்கம் சார்பில் கம்பம் சட்டமன்ற உறுப்பினர் பி.எல்.ஏ. ஜெகநாத் மிஸ்ரா அவர்களை கூட்டமைப்பின் நிர்வாகிகள் சந்தித்து கோரிக்கை மனு வழங்கினர். அந்த மனுவில் கம்பம் சட்டமன்ற தொகுதியில் கல்வி, சுகாதாரம், குழந்தைகள் நலன் மற்றும் சுற்றுச்சூழல் பாதுகாப்பு தொடர்பான விழிப்புணர்வு பணிகளை மேற்கொள்ள தேவையான ஒத்துழைப்பு வழங்குமாறு எம்.எல்.ஏ.-விடம் கோரிக்கை வைத்தனர். இதேபோன்று பெரியகுளம் சட்டமன்ற உறுப்பினர் சபரி ஐயங்கரன் அவர்களை சந்தித்து கூட்டமைப்பு நிர்வாகிகள் கோரிக்கை மனு கொடுத்தனர். அந்த மனுவில் பெரியகுளம் சட்டமன்ற தொகுதியில் மக்கள் நலன், சுகாதாரம் மற்றும் சமூக பொறுப்பு சார்ந்த விழிப்புணர்வு நிகழ்ச்சிகளை இணைந்து நடத்திட தேவையான ஒத்துழைப்பை வழங்குமாறு சட்டமன்ற உறுப்பினரிடம் கோரிக்கை வைத்தனர். இந்த சந்திப்புகளில் தமிழ்நாடு தொண்டு கூட்டமைப்பின் மாநில பொதுச்செயலாளர் டாக்டர் வி.ஆர்.ராஜன், தேனி மாவட்ட தொண்டு நிறுவனங்களின் கூட்டமைப்பு தலைவர் நேசம் முருகன் மற்றும் அதிதி பவுண்டேஷன் நிறுவன தலைவர் புவனேஸ்வரி ஆகியோர் கலந்து கொண்ட...

தேனி, செப்.19- தமிழ்நாடு தொண்டு நிறுவனங்களின் கூட்டமைப்பு (TAFVA) சார்பில், தமிழ்நாடு முழுவதிலும் இருந்து வந்த மாநில நிர்வாகிகளுடன் கம்பம் சட்டமன்ற உறுப்பினர்  பி.எல்.ஏ. ஜெகநாத் மிஸ்ரா கலந்துரையாடினார். அப்போது தொண்டு நிறுவனங்கள் மற்றும் மகளிர் சுயஉதவி குழுக்கள் எதிர்கொள்ளும் முக்கிய பிரச்சினைகள், அரசின் நலத்திட்டங்களை பெறுவதில் உள்ள சவால்கள் மற்றும் அவர்களின் வளர்ச்சிக்கு தேவையான நடவடிக்கைகள் குறித்து எம்.எல்.ஏ., கேட்டறிந்தார். கூட்டமைப்பு சார்பில், தொண்டு நிறுவனங்கள் மற்றும் மகளிர் சுயஉதவிக் குழுக்களின் நலன், வளர்ச்சி மற்றும் உரிமைப் பாதுகாப்பு தொடர்பான கோரிக்கை மனுக்கள் சட்டமன்ற உறுப்பினரிடம் வழங்கப்பட்டன. மனுக்களில் இடம்பெற்ற கோரிக்கைகள் மீது உரிய கவனம் செலுத்தி, சம்பந்தப்பட்ட அரசுத்துறைகளுடன் பேசி தீர்வு காண தேவையான முயற்சிகளை மேற்கொள்வேன் என்று எம்.எல்.ஏ., உறுதியளித்தார். இந்நிகழ்வில் கலந்து கொண்ட தொண்டு நிறுவன பிரதிநிதிகளின் சேவையை பாராட்டி, சட்டமன்ற உறுப்பினர் ஜெகநாத் மிஸ்ரா பாராட்டுச் சான்றிதழ்கள் வழங்கி, பதக்கங்களை அணிவித்து கௌரவித்தார். இந்த நிகழ்ச்சியில் கூட்டமைப்பு சட்...

தேனி, செப்.17- இந்து மக்கள் கட்சி தொண்டரணி மாநில துணைத்தலைவர் குரு ஐயப்பன் வெளியிட்டுள்ள அறிக்கையில் கூறியிருப்பதாவது, தமிழகத்தில் டெங்கு காய்ச்சலின் தாக்கம் நாளுக்கு நாள் தீவிரமடைந்து வருவதும், இதுவரை 15,933-க்கும் மேற்பட்டோர் பாதிக்கப்பட்டு 9 பேர் பரிதாபமாக உயிரிழந்துள்ளனர் என்ற செய்தியும் மிகுந்த அதிர்ச்சியையும் ஆழ்ந்த வேதனையையும் அளிக்கிறது. குறிப்பாக சென்னை, கோவை, ஈரோடு, திருப்பூர், சேலம், கிருஷ்ணகிரி உள்ளிட்ட பல்வேறு மாவட்டங்களில் டெங்கு பாதிப்பு மிகத் தீவிரமாகப் பரவி வருகிறது. நாள்தோறும் 70 முதல் 100 பேர் வரை பாதிக்கப்பட்டு மருத்துவமனைகளில் அனுமதிக்கப்பட்டு வரும் இந்த இக்கட்டான சூழல் பொதுமக்களிடையே, குறிப்பாக குழந்தைகளை கொண்ட பெற்றோர்கள் மத்தியில் பெரும் அச்சத்தையும் பதற்றத்தையும் ஏற்படுத்தியுள்ளது. ஒரு பக்கம் மழைக்காலம் தொடங்கியுள்ள நிலையில், தேங்கி நிற்கும் குடிநீர், சுகாதாரமற்ற சூழல், முறையாக அகற்றப்படாத குப்பைகள் போன்றவற்றால் கொசுக்கள் அதிகளவில் உற்பத்தியாகி இந்த நோய் வேகமாக பரவி வருகிறது. அரசு மருத்துவமனைகளில் கூட்டம் அலைமோதுகிறது, தனியார் மருத்துவமனைகளில் சிகிச்சைக்கான செல...

தேனி, செப்.1- தேனி மாவட்ட கலெக்டர் வைத்திநாதனிடம் பரம்பரை வனவாசிகள் உரிமை பாதுகாப்பு சங்கத்தின் தலைவர் தங்கமலை, ஒருங்கிணைப்பாளர் மருதுபாண்டி ஆகியோர் தலைமையில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது  தேனி மாவட்டத்தில் மேகமலை புலிகள் சரணாலயத்திற்காக வருசநாடு, மேகமலை, முருக்கோடை உள்ளிட்ட 98 மலை கிராம மக்களை அங்கிருந்து வெளியேற்ற உச்சநீதிமன்றம் உத்தரவிட்டுள்ளது இந்த வெளியேற்ற நடவடிக்கை தொடர்பாக அனைத்தும் சரியாக நடக்கவில்லை என்பதை அதிகாரிகளின் கவனத்திற்கு நாங்கள் ஏற்கனவே கடிதம் மூலம் கொண்டு வந்திருந்தோம் என்பதையும். மேலும் FRA-வின் கீழ் ஒரு நபர் பரிசீலிக்க தகுதியற்றவர் என்ற கேள்வி உள்பட FRA-வின் அனைத்து அம்சங்களையும் உச்ச நீதிமன்றம் பரிசீலிக்கும் வரை எவரும் வெளியேற்றப்பட கூடாது என்று WP(C) 109/2008-ல் 28.2.2019 அன்று உச்ச நீதிமன்றம் பிறப்பித்த உத்தரவின் நகலையும் நாங்கள் சமர்ப்பித்திருந்தோம் என்பதையும் தங்கள் கருத்திற்கு கொண்டு வர விரும்புகிறோம்.  ஆனால், மாவட்ட அதிகாரிகள் உச்ச நீதிமன்றத்தின் உத்தரவை வேண்டுமென்றே மீறுவதில் பிடிவாதமாக உள்ளனர். மேலும் அந்த...

தேனி, ஆக.31- தேனி அல்லிநகரம் நகராட்சி 5-வது  கவுன்சிலர் கிருஷ்ண பிரபா அய்யப்பன், தேனி மாவட்ட கலெக்டர் வைத்திநாதனிடம் கோரிக்கை மனு ஒன்று கொடுத்துள்ளார். அந்த மனுவில் கூறப்பட்டிருந்ததாவது, தேனி மாவட்டம், தேனி கர்னல் ஜான் பென்னிகுவிக் புதிய பஸ் நிலையத்தில் இருந்து மதுரை சாலை மார்க்கமாக செல்லக்கூடிய பஸ்கள், பேருந்து நிலையத்தின் கிழக்கு பகுதியில் உள்ள திட்டச்சாலை வழியாக இயங்கி கொண்டிருந்தது. இந்நிலையில் தேனி அரசு ஐடிஐ அருகே பஸ்கள் மற்றும் வாகனங்கள் செல்லும் திட்டச்சாலை தற்போது மூடப்பட்டுள்ளது.  அந்த திட்டச்சாலை மதுரை ரோட்டில் மேம்பால பணிகள் நடைபெற்ற போது நகராட்சி நிர்வாகத்தால் அரசினர் தொழிற்கல்வி நிலையத்தின் சுற்றுச்சுவரை இடித்து பொதுமக்கள் நலன் கருதி நகராட்சி நிதி மூலம் திட்டச்சாலை துவக்கப்பட்டு இயங்கி வந்தது. 2026-ம் ஆண்டு நடைபெற்ற சட்டமன்ற தேர்தலுக்கு  முன்பிருந்தே திட்டச்சாலை மூடப்பட்டு வாகனங்கள் செல்ல முடியாத அளவுக்கு மண் மேடு உயர்த்தி பாதை இல்லாமல் உள்ளது. மதுரை சாலை வழியாக வாகனங்களில் செல்வோர் மற்றும் அரசினர் தொழிற்கல்வி நிறுவனத்திற்கு செல்வோரும் போக்குவரத்து இடையூறால் ...

தேனி, ஆக.4- தேனி மாவட்ட கலெக்டர் அலுவலகத்தில் தமிழ்நாடு ஆரம்பப்பள்ளி ஆசிரியர் கூட்டணியினர் மாவட்ட செயலாளர் ராம்குமார் தலைமையில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது,  ஆசிரியர்கள் பணிபுரியும் பகுதியிலேயே கணக்கெடுப்பு பணி வழங்காமல் பல்வேறு கி.மீ தூரம் ஊராட்சி விட்டு ஊராட்சி, பேரூராட்சி  நகராட்சி பகுதிகளில் பணி வழங்கியது. கணக்கெடுப்பாளர்களுக்கு அதிகப்படியான  வீடுகள் ஒதுக்கீடு செய்திருப்பது. எந்தவிதமான சந்தேகங்களுக்கும் முறையான பதில் வழங்காமல் மாவட்ட கலெக்டரிடம் கேட்டுக்கொள்ளுங்கள் என்ற பதில் கூறுவது. பல்வேறு மாவட்டங்களில் மக்கள் தொகை கணக்கெடுப்பு பணியில் ஈடுபடும் ஆசிரியர்களுக்கு முற்பகல் அல்லது பிற்பகல் அனுமதி தரப்பட்டுள்ள நிலையில்  தேனி மாவட்டத்தில் பிற்பகல் 3 மணிக்கு மேல் கிராமங்களுக்கு சென்று மக்களை தொகை கணக்கெடுப்பு பணியில் ஈடுபட வேண்டும் என்று வாய்மொழி உத்தரவு. அதுபோல பொது மக்கள் தாமாக முன்வந்து புள்ளி விவரம் அளிக்கும் வாய்ப்பு குறைவு அங்கன்வாடி, சத்துணவு ஊழியர் களை உதவிக்கு அழைத்தால் அவர்கள் வருவதில்லை. அதுபோல சில மாவட்டங்களில் கணக்...

தேனி, ஆக.3- தேனி தமிழக வெற்றிக் கழக தெற்கு மாவட்ட செயலாளர் லெப்ட் பாண்டி தலைமையில் த.வெ.க நிர்வாகியும், பிக் குவாலிஸ் சிஸ்டம் நிறுவன தலைவருமான ஹரிஹரன் மற்றும் ஆண்டிபட்டி தாலுகா, அரப்படிதேவன்பட்டி கிராமத்தை சேர்ந்த பொதுமக்கள் தேனி கலெக்டர் வைத்திநாதனிடம் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது, தேனி மாவட்டம், ஆண்டிபட்டி தாலுகா, குன்னூர் கிராமம் சர்வே எண்கள். 1221/2, 1222/1 உள்ள நிலமானது அரசு புறம்போக்குமாகும். இந்த நிலத்தில் வீடு இல்லாத எஸ்.சி (அருந்ததியர்) சமூக மக்களுக்கு வீடு வழங்க கோரி நீண்ட காலமாக தேனி மாவட்ட ஆட்சியரிடம் மனுக்கொடுத்து நடவடிக்கையில் இருந்து வருகிறது. இந்நிலையில் 40 பயனாளர்களுக்கு பட்டா வழங்கிட குன்னூர் ஊராட்சி மன்றம் கடந்த 12.12.2024-ம் தேதி தீர்மானம் நிறைவேற்றி அரசுக்கு அனுப்பியது.  அதன்பின்னர் அரசு தரப்பில் ஆண்டிபட்டி வட்டாட்சியர், கிராம நிர்வாக அதிகாரி, நில அளவையர் ஆகியோர் மேற்படி நிலத்தை ஆய்வு செய்து, அரசுக்கு பரிந்துரைத்தனர். ஆண்டிபட்டி வட்டாட்சியரது ஓ.மு.எண்.4535/2025-ஆ2-ன்படி நடவடிக்கை எடுத்து வருவதாக கடிதம் கிடைத்தது. வீட்டுமன...

தேனி, ஆக.1- தேனி மாவட்ட கலெக்டர் வைத்திநாதனிடம் தேனி அதிமுக கிழக்கு மாவட்ட செயலாளர் முருக்கோடை ராமர் தலைமையில் வழக்கறிஞர் அணி டி.கே.ஆர். கணேசன் மற்றும் நிர்வாகிகள் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது,  தேனி மாவட்டம், ஆண்டிபட்டி தாலுகா, கடமலைக்குண்டு மயிலாடும்பாறை ஒன்றிய பகுதியில் ஸ்ரீவில்லிபுத்தூர் மேகமலை பகுதியில் புலிகள் காப்பகமாக மாற்றி அரசானை பிறப்பிக்கப்பட்டது. இது சம்பந்தமாக உச்சநீதி மன்றத்தின் தீர்ப்பின் அடிப்படையில் வனத்துறையினர் கடமலைக்குண்டு மயிலாடும்பாறை ஒன்றிய பகுதிகளில் கடந்த 3 தலைமுறைகளாக குடியிருந்து விவசாயம் செய்துவரும் மக்களை வெளியேற்ற நடவடிக்கை எடுத்து வருகின்றனர்.  இதனால் சுமார் 50-க்கும் மேற்பட்ட கிராமங்களில் சுமார் 10,000-க்கும் மேற்பட்ட பொதுமக்களின் வீடு, விவசாய நிலங்கள் மற்றும் வாழ்வாதாரம் பாதிக்கப்படும் சூழ்நிலை ஏற்பட்டுள்ளது. மேலும் வனத்துறையினர் நீதிமன்ற உத்தரவை காரணம் காட்டி பொதுமக்களை வெளியேற்றும் எண்ணத்துடன் பொதுமக்களுக்கும், பொது சொத்துக்களுக்கும் பல்வேறு இடஞ்சல் செய்தும் மிரட்டியும் வருகின்றனர். இதனால் மக்கள் மிகவ...

தேனி, ஜூலை.30- இந்து மக்கள் கட்சி தொண்டரணி மாநில துணைத்தலைவர் குரு ஐயப்பன் வெளியிட்டுள்ள அறிக்கையில் கூறியிருப்பதாவது, இந்து சமுதாயத்தின் அடிப்படையே "முன்னோர் வழிபாடு" ஆகும். "மாதா, பிதா, குரு, தெய்வம்" என்று நம் முன்னோர்கள் காட்டிய வழியில், நம்மை பெற்று வளர்த்த முன்னோர்களுக்கு நன்றி செலுத்துவது ஒவ்வொரு இந்துவின் தலையாய கடமையாகும். இதைத்தான் நம் சாஸ்திரங்கள் "பித்ரு ருணம்" என்று போற்றுகின்றன. ஆடி மாதம் தட்சிணாயன புண்ணிய காலத்தின் தொடக்கமாகும். தேவர்களுக்கு ஒரு நாள் என்பது நமக்கு ஒரு வருடம். ஆடி முதல் மார்கழி வரை உள்ள 6 மாதங்கள் தேவர்களின் இரவு காலம். இந்த புனித காலத்தில் வரும் 12.8.2026 புதன்கிழமை ஆடி அமாவாசை அன்று நாம் செய்யும் தர்பணம், திதி, தான தர்மங்கள் நேரடியாக நம் முன்னோர்களை சென்றடையும் என்பது நம்பிக்கை.  21 தலைமுறை முன்னோர்களும், 7 தலைமுறை பின்னோர்களும் சேர்ந்து நம்மை ஆசீர்வதிக்கும் நாள் இது. மகாபாரத வீரன் கர்ணன் கூட தான் இறந்த பின் ஆடி அமாவாசை அன்று தான் முதன்முதலில் தர்பணம் பெற்றார். அதனால் தான் இது "கர்ண தர்பண நாள்" என்று புனிதமாக கொண்...

தேனி, ஜூலை.28- தேனி அல்லிநகரம் நகராட்சி 21-வது வார்டு பகுதியில் உள்ள சிவாஜி நகர் விரிவாக்க மக்கள் நலச்சங்கத்தினர் தேனி மாவட்ட கலெக்டர் வைத்திநாதனிடம் கோரிக்கை மனு ஒன்று கொடுத்துள்ளனர். அந்த மனுவில், எங்கள் பகுதியில் சுமார் 300-க்கும் மேற்பட்ட குடும்பத்தினர் வசித்து வருகின்றோம். இப்பகுதியில் ரேசன் கடையை தவிர எந்தவித அடிப்படை வசதிகளும் குடிநீர், தெருவிளக்கு, பாதை மற்றும் சாக்கடை வசதிகள் ஏதுமில்லாமல் வசித்து வருகின்றோம். எங்கள் பகுதியில் தற்போது வரை குப்பை வண்டி ஏதும் வந்ததே கிடையாது. இதனால் மக்கள் குப்பைகளை ஆங்காங்கே வனப்பகுதியை ஒட்டிய இடங்களில் கொட்டி வந்ததால், வனத்துறையினர் நாங்கள் சென்று வந்த வைகுண்டசாமி மில் அருகில் உள்ள வனப்பகுதி பாதையினை ஜேசிபி மூலம் குழி தோண்டி தற்போது அடைத்துள்ளனர். இதனால் எங்கள் பகுதியை சேர்ந்த பள்ளி, கல்லூரி மாணவர்களும், பொதுமக்களும் நகருக்குள் வருவதற்கு மிகுந்த சிரமமடைகின்றனர். எங்கள் பகுதிக்கு விஸ்வநாததாஸ் காலனி வழியாக வரக்கூடிய பாதையானது மிகவும் குறுகலாக உள்ளதால், பள்ளி வாகனங்கள், ஆட்டோக்கள் மற்றும் அவசரகால ஆம்புலன்ஸ் வரவேண்டும் என்றால் கூட வனத்துறை அலுவலகத்...

தேனி, ஜூலை.23- தேனி மாவட்ட இந்து எழுச்சி முன்னணி சார்பில் மாவட்ட செயலாளர் இராமமூர்த்தி தலைமையில், தேனி அல்லிநகரம் நகராட்சியின் 14-வது வார்டு  கவுன்சிலர் நாகராஜ் (காங்கிரஸ்) அவர்களிடமும், தேனி அல்லிநகரம் நகராட்சி ஆணையாளர் அவர்களிடமும் பொதுநலன் கருதி மனு ஒன்று வழங்கப்பட்டது. அந்த மனுவில், தேனி பழைய அரசு மருத்துவமனை (Old G.H.) சாலையின் வடபுறத்தில் வனத்துறைக்கு சொந்தமான இடத்தில் சிலர் தொடர்ந்து குப்பைகளை கொட்டி வருவதால், அப்பகுதி முழுவதும் சுகாதாரமற்ற சூழல் நிலவி வருகிறது, இதனால் பொதுமக்களின் உடல்நலத்திற்கும் சுற்றுச்சூழலுக்கும் பாதிப்பு ஏற்பட்டு வருகிறது. இதன் காரணமாக இரண்டு நாட்களுக்கு முன்பு வனத்துறையினர் அங்கு குப்பைகளை புதைப்பதற்காக குழி தோண்டும் பணியில் ஈடுபட்டபோது, அந்தக் குழி பொதுமக்களுக்கும் வாகன ஓட்டிகளுக்கும் விபத்து அபாயத்தை ஏற்படுத்தக்கூடும் என்பதால், அந்த நடவடிக்கையை மேற்கொள்ள வேண்டாம் என்று இந்து எழுச்சி முன்னணி சார்பில் வலியுறுத்தப்பட்டது. இதனைஅடுத்து, வனத்துறை அலுவலர், ஒரு வார கால அவகாசம் வழங்கப்படுகின்றது. அதற்குள் தற்போது குவிந்துள்ள குப்பைகள் முழுமையாக அகற்றப்பட வேண...

தேனி, ஜூலை.21- தேனி மாவட்ட கலெக்டர் அலுவலகம் முன்பு தமிழக மக்கள் முன்னேற்றக் கழகத்தின் கிழக்கு மாவட்ட செயலாளர் மள்ளர் பாலா தலைமையில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் கட்சி நிர்வாகிகள் பலர் கலந்து கொண்டனர்.  ஆர்ப்பாட்டத்தின் போது தேனியில் நடைபெறும் ரயில்வே மேம்பால பணிகளை விரைந்து முடிக்க வேண்டும். ஆண்டிபட்டி தாலுகா, கண்டமனூர் புதுக்குளம் கண்மாய் நீர் வழித்தடத்தில் தனியார் நிறுவனத்தினர் அமைத்துள்ள உயர் மின் கோபுரத்தை அகற்ற வேண்டும். தேனி மாவட்டத்தில் உள்ள அனைத்து பஞ்சமர் ஜாரி நிலங்களை மீட்டு நிலமற்ற பட்டியல் சமூக மக்களுக்கு வழங்க வேண்டும். தேவதானபட்டி அரசு மேல்நிலைப் பள்ளி எதிரில் இயங்கி வரும் தனியார் மதுபான கூடம், வைகை அணையில்  இயங்கி வரும் தமிழ்நாடு மதுபானக்கூடம், தேனி புதிய பஸ் நிலையம் அருகில் செயல்பட்டு வரக்கூடிய மனமகிழ் மன்றம் மற்றும் மதுபானக்கூடங்களை அகற்ற வேண்டும் என்பன உள்பட பல்வேறு கோரிக்கைகள வலியுறுத்தி கண்டன கோஷங்கள் எழுப்பினர். இதனைத்தொடர்ந்து இந்த கோரிக்கைகள் அடங்கிய மனுவை  தேனி கலெக்டர் அலுவலகத்தில் தமிழக மக்கள் முன்னேற்றக் கழகத்தினர் கொடுத...

தேனி, ஜூலை.13- தேனி மாவட்ட  கலெக்டர் அலுவலக கூட்டரங்கில் இன்று (13.7.2026) நடைபெற்ற மக்கள் குறைதீர்க்கும் நாள் கூட்டத்தில் பொதுமக்களிடமிருந்து 525 கோரிக்கை மனுக்களை மாவட்ட கலெக்டர் மரு.இரா.வைத்திநாதன் பெற்றுக்கொண்டார். இக்கூட்டத்தில் முதியோர் உதவித்தொகை, புதிய வீட்டுமனைப் பட்டா, வேலைவாய்ப்பு மற்றும் இதர மனுக்கள் என மொத்தம் 525 கோரிக்கை மனுக்களை பெற்றுக்கொண்ட மாவட்ட கலெக்டர் அவர்கள், பொதுமக்களின் கோரிக்கை மனுக்களை சம்பந்தப்பட்ட துறை அலுவலர்களிடம் வழங்கி மனுக்கள் மீது குறித்த காலத்திற்குள் விரைந்து நடவடிக்கை மேற்கொள்ளுமாறு உத்தரவிட்டார். அதனைத்தொடர்ந்து, மாற்றுத்திறனாளிகள் நலத்துறையின் சார்பில் 4 பயனாளிகளுக்கு ரூ.11,445/- மதிப்பிலான மூன்று சக்கர சைக்கிள், ரூ.9000/- மதிப்பிலான கம்மோடு வீல் சேர், ரூ.594/- மதிப்பிலான எல்போ ஊன்றுகோல், ரூ.15,750/- மதிப்பிலான சக்கர நாற்காலி என மொத்தம் ரூ.36,789/- மதிப்பிலான உதவி உபகரணங்களை மாவட்ட கலெக்டர் வழங்கினார். இக்கூட்டத்தில் மாவட்ட வருவாய் அலுவலர் ப.ராஜகுமார், மாவட்ட ஆட்சியரின் நேர்முக உதவியாளர் (பொது) ராமகிருஷ்ணன், தனித்துணை ஆட்சியர் (ச.பா.தி.) கவி...