Sukran News

தேனி, அக்.18- தேனி மாவட்ட ஆட்சியர் அலுவலக புதிய கூட்டரங்கில் 18.10.2026 அன்று நடைபெற்ற அரசு விழாவில் பள்ளிக்கல்வித்துறையின் சார்பில் ரூ.2.82 கோடி மதிப்பீட்டில் புதிதாக கட்டப்பட்டுள்ள 3 பள்ளி கட்டிடங்களை திறந்து வைத்து, பல்வேறு துறைகளின் சார்பில் 1960 பயனாளிகளுக்கு ரூ.26.45 கோடி மதிப்பிலான அரசு நலத்திட்ட உதவிகளை தமிழ்நாடு எரிசக்தி மற்றும் சட்டத்துறை அமைச்சர் சி.டி.ஆர்.நிர்மல்குமார், மாவட்ட கலெக்டர் வ.சிவகிருஷ்ணமூர்த்தி, முன்னிலையில் வழங்கினார். தமிழ்நாடு முதலமைச்சர் அவர்களின் ஆணைக்கிணங்க சிறப்பு திட்டமாக தேனி மாவட்டத்தில் கூட்டுறவு அங்காடிகள் மூலம் ஒரு கிலோ ரூபாய் 30-க்கு சன்னரக அரிசி வழங்கும் திட்டத்தை தமிழ்நாடு எரிசக்தி மற்றும் சட்டத்துறை அமைச்சர் துவக்கி வைத்து பேசுகையில், தேனி மாவட்டம் முத்துத்தேவன்பட்டியில் தான் பள்ளிப்படிப்பை முடித்தேன். அந்த காலக்கட்டங்களில் தேனி மாவட்டம் எந்த நிலையில் இருந்ததோ அதே நிலையில் எந்தவொரு பெரிய அளவிலான முன்னேற்றமும் இல்லாமல் உள்ளது. ஆனால், தற்போது  தமிழ்நாடு முதலமைச்சர் அவர்களின் தலைமையிலான தமிழ்நாடு அரசு மக்களுக்கு தேவையான அனைத்து திட்டங்களையும் ச...

தேனி, அக்.17- தேனி மாவட்டம், தேனி அல்லிநகரம் நகராட்சிக்கு உட்பட்ட வீரப்ப அய்யனார் கோயிலுக்கு செல்லும் வழியில், திண்டுக்கல் TO குமுளி பைபாஸ் சாலை அருகே குப்பைகள் கொட்டப்பட்டு வருவதால், அப்பகுதி குப்பைக் கிடங்காக மாறி வருவதாக பொதுமக்கள் வேதனை தெரிவிக்கின்றனர். சாலையோரத்தில் குவிந்து கிடக்கும் குப்பைகளால் அப்பகுதி முழுவதும் துர்நாற்றம் வீசுவதுடன், சுற்றுச்சூழல் பாதிக்கப்படும் சூழலும் ஏற்பட்டுள்ளது. இதனால், வீரப்ப அய்யனார் கோயிலுக்கு செல்லும் பக்தர்கள், அந்த வழியாக செல்லும் வாகன ஓட்டிகள் மற்றும் அப்பகுதியில் வசிக்கும் பொதுமக்கள் பெரும் சிரமத்திற்கு ஆளாகி வருகின்றனர். நகரின் தூய்மையை பாதுகாக்க வேண்டிய நகராட்சி நிர்வாகம், பொதுமக்களுக்கும் சுற்றுச்சூழலுக்கும் பாதிப்பை ஏற்படுத்தாத வகையில் குப்பைகளை அகற்றுவதற்கும், அவற்றை முறையாக கையாளுவதற்கும் உரிய நடவடிக்கை எடுக்க வேண்டும். இது தொடர்பாக இந்து எழுச்சி முன்னணி தேனி மாவட்டச் செயலாளர் இராமமூர்த்தி வெளியிட்டுள்ள அறிக்கையில் கூறியிருப்பதாவது, வீரப்ப அய்யனார் கோயிலுக்கு செல்லும் பாதையில் குப்பைகள் கொட்டப்படுவதை தடுத்து, அப்பகுதியை தூய்மையாக நகராட்சி...

தேனி, அக்.16- தேனி மாவட்டத்தில், தேனி பென்னிகுயிக் லயன்ஸ் கிளப் தொடக்க விழா நிகழ்வு தேனி அன்னஞ்சி விளக்கு பகுதியில் உள்ள வெள்ளான் செட்டியார் திருமண மண்டபத்தில் 16.10.2026 அன்று நடைபெற்றது. விழாவிற்கு லயன்ஸ் கிளப் மாவட்ட கவர்னர் ஆறுமுகம் தலைமை தாங்கினார். GAT ஏரியா லீடர் பாண்டியராஜன் முன்னிலை வகித்தார் விழாவில் கம்பம் சட்டமன்ற உறுப்பினர் பி.எல்.ஏ. ஜெகநாத் மிஸ்ரா, பெரியகுளம் சட்டமன்ற உறுப்பினர் சபரி ஐங்கரன் ஆகியோர் சிறப்பு அழைப்பாளர்களாக கலந்து கொண்டனர்.  விழாவின் போது தேனி பென்னிகுயிக் லயன்ஸ் கிளப் தலைவராக டாக்டர் வி.ஆர். ராஜன் தலைமையில் செயலாளர் அருள் கண்ணன், பொருளாளர் மனோகரன், முதல் துணைத்தலைவர் ஏ.பி.பி. ராஜா அழகணன், இயக்குனராக பெரியகுளம் நேசம் முருகன் மற்றும் நிர்வாகிகள், இயக்குனர்கள் பதவி ஏற்று கொண்டனர். இவர்களுக்கு GMT மாவட்ட ஒருங்கிணைப்பாளர் சுப்புராஜ் பதவியேற்று வைத்தார்.  விழாவில் தமிழ்நாடு-பாண்டிச்சேரி வழக்கறிஞர் சங்கங்களின் கூட்டமைப்பு தென் மண்டல செயலாளர், மக்கள் வழக்கறிஞர் எம்.கே.எம் முத்துராமலிங்கம், வெளிச்சம் அறக்கட்டளை நிறுவனர் நாணயம் சிதம்பரம், லயன்ஸ் கிளப் நிர்வ...

தேனி, அக்.15- தேனி அருகே உள்ள பழனிசெட்டிபட்டியில் தனியார் மெட்ரிக்குலேசன் மேல்நிலைப்பள்ளி செயல்பட்டு வருகிறது. இந்த பள்ளியை மதுரையை சேர்ந்த சி.இ.ஓ.ஏ., மெட்ரிக் பள்ளி நிர்வாகம் தற்போது நடத்தி வருகிறது. இந்த பள்ளி நடத்துவதில் ஏற்பட்ட நிர்வாக பிரச்சனை காரணமாக பள்ளிக்கு சரியான உட்கட்டமைப்பு இல்லாத இடத்தில் பள்ளி நடத்தப்பட்டு வந்தது.  இந்நிலையில் பள்ளி நடத்துவதற்கு உரிய உட்கட்டமைப்பு இல்லாததால் வகுப்புகள் நடத்த அனுமதிக்க முடியாது என கல்வித்துறை அதிகாரிகள் தெரிவித்தனர். இதனைத்தொடர்ந்து பள்ளி மாணவர்களின் நடப்பு கல்வி ஆண்டில் மாணவர்களின் நலனை கருத்தில் கொண்டு பள்ளியில் படிக்கும் மாணவர்களின் பெற்றோர்கள் மற்றும் ஆசிரியர்கள் அல்லிநகரம் அரசு மேல்நிலைப்பள்ளி வளாகத்தில் செயல்பட்டு வரும் தேனி மாவட்ட தனியார் பள்ளிகள் மாவட்ட கல்வி அலுவலகத்தை முற்றுகையிட்டனர்.  அப்போது மாவட்ட கல்வி அலுவலரிடம் பள்ளியின் பெற்றோர் ஆசிரியர் கழகத்தின் சார்பில் கோரிக்கை மனு ஒன்று கொடுத்துள்ளனர். அந்த மனுவில் கூறப்பட்டிருந்ததாவது, மதுரை சி.இ.ஓ.ஏ. பள்ளியை நடப்பு 2026-2027 கல்வியாண்டு முழுவதும் சி.இ.ஓ.ஏ. கல்விக் குழுமத்...

தேனி, அக்.2- தமிழ்நாடு முதலமைச்சர் ச.ஜோசப் விஜய் 2.10.2026 அன்று சென்னை, கோயம்பேடு புரட்சித்தலைவர் டாக்டர் எம்.ஜி.ஆர் பேருந்து நிலையத்தில் இருந்து தமிழ்நாடு முழுவதும் மகளிர் கட்டணமில்லா "வெற்றிப் பயணம் திட்டத்தை" தொடங்கி வைத்ததை தொடர்ந்து, தேனி மாவட்டம், கர்னல் ஜான் பென்னிகுயிக் தேனி புதிய பேருந்து நிலையத்தில் நடைபெற்ற நிகழ்ச்சியில் 4 வெற்றிப் பயண பஸ்களை மாவட்ட கலெக்டர் மரு.இரா.வைத்திநாதன் கொடியசைத்து தொடங்கி வைத்தார். தமிழ்நாட்டின் எந்தப் பகுதியிலும் வசிக்கும் மகளிரும் போக்குவரத்து கட்டணத்தால் தமது வாய்ப்புகளை இழக்கக்கூடாது என்ற சமூகநீதி சிந்தனையை முதன்மையாகக் கொண்டு, மகளிர் கட்டணமில்லா பயணத் திட்டத்தை விரிவுப்படுத்தி, பெருமளவில் பயனளித்திடும் விதமாக, 'வெற்றிப்பயணம்' திட்டம் தொடங்கப்படும் என்று தமிழ்நாடு முதலமைச்சர் அவர்களால் அறிவிக்கப்பட்டு, இன்று தமிழ்நாடு முழுவதும் தொடங்கி வைக்கப்பட்டுள்ளது. அதனடிப்படையில், தமிழ்நாடு அரசு போக்குவரத்துக் கழகம் (மதுரை) லிட் திண்டுக்கல் மண்டலத்தின் மூலம் தேனி மாவட்டத்தில், மதுரை - போடி வழித்தடம், மதுரை - கம்பம் வழித்தடம், மதுரை - கும...

  தேனி, செப்.28- தமிழ்நாடு முதலமைச்சர் ச.ஜோசப் விஜய் 28.9.2026 அன்று மதுரை இராசாசி அரசு மருத்துவமனையில் இருந்து தமிழ்நாடு முழுவதும் தாய்மாமன் தங்க மோதிரம் திட்டத்தை காணொளிக்காட்சி வாயிலாக தொடங்கி வைத்தார். இதனைத்தொடர்ந்து தேனி மாவட்டம், பெரியகுளம் அரசு மாவட்ட தலைமை மருத்துவமனையில் நடைபெற்ற நிகழ்ச்சியில், அரசு மருத்துவமனைகளில் பிறந்த குழந்தைகளுக்கு தாய்மாமன் தங்க மோதிரத்தை மாவட்ட  கலெக்டர் மரு.இரா.வைத்திநாதன் வழங்கினார். அரசு மருத்துவமனைகளில் பிரசவத்தை ஊக்குவித்தல். தாய் மற்றும் சேய் நலம் பேணுதல் ஆகியவற்றை நோக்கமாகக் கொண்டு, தமிழ்நாடு அரசு மருத்துவமனைகளில் கடந்த ஜூன் 22 2026 முதல் பிறக்கும் அனைத்து குழந்தைகளுக்கும் தாய்மாமன் தங்க மோதிரம் திட்டத்தின் கீழ் ஒரு கிராம் தங்க மோதிரம் வழங்கப்படும் என தமிழ்நாடு முதலமைச்சர் அவர்களால் அறிவிக்கப்பட்டதை தொடர்ந்து. இன்று இத்திட்டம் தொடங்கி வைக்கப்பட்டுள்ளது. அந்த வகையில், தேனி மாவட்டத்தில் உள்ள அரசு மருத்துவமனைகளில் பிறக்கும் குழந்தைகளுக்கு தங்க மோதிரங்கள் வழங்கும் விதமாக தேனி அரசு மருத்துவக்கல்லூரி மருத்துவமனை. பெரியகுளம் மாவட்ட அரசு தலைமை...

தேனி, செப்.26- தேனியில் தமிழ் இலக்கியக் கழகம் தொடக்கம் நிகழ்ச்சி தேனி காமராஜர் பூங்கா அருகே உள்ள திண்ணை பயிற்சி மையத்தில் 26.9.2026 அன்று நடைபெற்றது.  நிகழ்ச்சிக்கு வி. பழனிச்சாமி தலைமை தாங்கினார்.  புலவர் சேவியர் பீட்டர் முன்னிலை வகித்தார்.  நிகழ்ச்சியில் திண்ணை பயிற்சி மைய நிர்வாகி செந்தில், எழுத்தாளர் சுப்பிரமணி, ஆண்டிபட்டி ஞானபாரதி, சின்னமனூர் வட்டார தொழில் முனைவோர் சங்க உதயகுமார், தொழிலதிபர்கள் ஜாய், நிக்சன், அய்யன் குமார், தமிழாசிரியர் போடி பழனிச்சாமி உள்பட தமிழ் அறிஞர்கள், தமிழ் ஆர்வலர்கள் பலர் கலந்து கொண்டனர்.  நிகழ்ச்சியின் போது தமிழ் மொழி, தமிழ் சமுதாயம் சேவை செய்யும் நோக்கத்தில் தொடங்கப்பட்டுள்ள இந்த தமிழ் இலக்கியக் கழகத்திற்கு புதிய உறுப்பினர்கள் சேர்க்கை மற்றும் செயல்பாடுகள் குறித்து ஆலோசனை செய்யப்பட்டது.  ................................ K.நாகராஜ், தலைமை நிருபர்  

தேனி, செப்.25 - தேனியில் ஆக்சன் டெசா சார்பில் தச்சு தொழிலாளர்கள் தினம் ஏபிஎம் ஹோட்டலில் நடைபெற்றது. நிகழ்ச்சிக்கு ஆக்சன் டெசா நிறுவனத்தின் கிளை மேலாளர் ஜெயன், தமிழ்நாடு மேலாளர் ஆறுமுகம் ஆகியோர் தலைமை தாங்கினர். தேனி மாவட்ட விற்பனையாளர் தேனி பிளைவுட் உரிமையாளர்கள் ராஜசேகர், விஜய்பாபு ஆகியோர் முன்னிலை வகித்தனர்.  இதனைத்தொடர்ந்து ஆக்சன் டெசாவின் மேலாண்மை இயக்குனர் விஜய் அகர்வால் காணொலி காட்சி மூலம் சிறப்பாக கலைநயத்துடன் வடிவமைக்கும் தச்சு தொழிலாளர்களை பாராட்டி உரையாற்றினார்.  இந்நிகழ்ச்சியில் ஆக்சன் டெசா நிறுவன அலுவலர்கள் கோவை கோகுல்நாத், திருச்சி ரியாஸ்தீன், தேனி தமிழரசன், சேலம் பூபதி, திருநெல்வேலி முகமதுயாசின், புளோரிங் டிவிசன் பிரதீப் உள்பட சுமார் 200-க்கும் மேற்ப்பட்ட தச்சு தொழிலாளர்கள் கலந்து கொண்டனர்.  முன்னதாக ஆக்சன் டெசா நவீன சிறந்த தயாரிப்பான எம்.டி.எப், மற்றும் எச்.டி.எச்.ஆர் பாய்லோ போர்டுகள் காட்சிபடுத்தபட்டிருந்தது.  நிகழ்ச்சியில் கலந்து கொண்ட தச்சு தொழிலாளர்களுக்கு கூப்பன் வழங்கப்பட்டு குலுக்கல் முறையில் 10-க்கும் மேற்பட்டவர்களுக்கு சிறப்பு பரிசுகள் வழங்கப்...

  தேனி, செப்.23- தேனி மாவட்ட கலெக்டர் அலுவலக கூட்டரங்கில் 22.9.2026 அன்று ஸ்ரீவில்லிப்புத்தூர் மேகமலை புலிகள் காப்பகம் (மேகமலை கோட்டம்) மற்றும் தேசிய வேளாண்மை மற்றும் ஊரக மேம்பாட்டு வங்கி (நபார்டு) இணைந்து நடத்திய நொச்சியோடை பழங்குடியினர் குடியிருப்புகளுக்கான மாதிரி சூரிய ஆற்றல் பழங்குடியினர் கிராம திட்ட தொடக்க விழா மாவட்ட கலெக்டர் மரு.இரா.வைத்திநாதன் தலைமையில் நடைபெற்றது. நொச்சியோடை என்பது ஸ்ரீவில்லிப்புத்தூர் மேகமலை புலிகள் காப்பகம் உட்பட்ட மேகமலை வனப் பகுதியின் மையப் பகுதியில் (Core Area) அமைந்துள்ள சுமார் 32 கி.மீ. தொலைவில் உள்ள  தொலைதூர பழங்குடியினர் குடியிருப்பாகும். இக்குடியிருப்பில் 18 குடும்பங்களை சேர்ந்த 76 பேர் வசித்து வருகின்றனர். பல வருடங்களாக மின்சார வசதி இன்றி வாழ்ந்து வந்த இப்பகுதி மக்கள், வெளிச்சத்திற்காக மண்ணெண்ணெய் விளக்குகளை நம்பியிருந்ததுடன், கைப்பேசிகளை மின்னேற்றம் செய்யவும், அடிப்படை தகவல் தொடர்பு வசதிகளைப் பெறவும் வனப்பகுதிக்கு வெளியே நீண்ட தூரம் பயணிக்க வேண்டியிருந்தது.  இப்பழங்குடியினரின் உரிமைகள் வன உரிமைச் சட்டம் 2006-ன் கீழ் அங்கீகரிக்கப்பட்டு...

தேனி, செப்.23- கோ-ஆப்டெக்ஸ் நிறுவனம் 1935-ஆம் ஆண்டு தொடங்கப்பட்டு இந்தியாவின் மிகப்பெரிய தலைமை கைத்தறி நெசவாளர் கூட்டுறவு சங்கமாக திகழ்ந்து வருகிறது. மேலும், தமிழ்நாடு முழுவதும் பரவியுள்ள நெசவாளர் கூட்டுறவு சங்கங்களில் நெசவாளர்களால் உற்பத்தி செய்யப்படும் தயாரிப்புகளை 90 ஆண்டுகளுக்கு மேலாக கோ-ஆப்டெக்ஸ்" என்ற வணிக முத்திரையுடன் தற்போது 146 விற்பனை நிலையங்கள் மூலம் வணிகப்படுத்தும் முன்னணி நிறுவனமாக செயல்பட்டு வருகின்றது.  பட்டு மற்றும் பருத்தி இரகங்களின் பாரம்பரிய மற்றும் நவீன சமகால வடிவமைப்புகளை கொண்டு சிறந்த கைத்தறி இரகங்களை வணிகப்படுத்தும் நிறுவனமாக கோ-ஆப்டெக்ஸ் விளங்கி வருகிறது. தீபாவளி பண்டிகை காலத்திற்கான புதிய வடிவமைப்புகளில் பட்டு சேலைகள், பருத்தி சேலைகள், பருத்தி வேட்டிகள், படுக்கை விரிப்புகள் மற்றும் ஏராளமான இரகங்கள் விற்பனைக்கு வைக்கப்பட்டு உள்ளன.  மேலும், இளைய தலைமுறை வடிவமைப்புகளில் அவர்களது தேவைகளை வாடிக்கையாளர்களுக்கேற்ற நிறைவேற்றும் வண்ணம் பாரம்பரிய பட்டு மற்றும் பருத்தி இரகங்களில் புதுமையான வடிவமைப்புகள் மற்றும் வண்ணங்களுடன் பல மதிப்பு கூட்டப்பட்ட இரகங்கள் விற்பன...

தேனி, செப்.22- தேனி மாவட்ட உலக அமைதிக்குழு மற்றும் மனிதநேய காப்பகம் சார்பில் உலக அமைதி தினத்தை முன்னிட்டு, ஒற்றுமையை வலியுறுத்தியும் உலகப் போர்களை நிறுத்தக்கோரியும் மாபெரும் விழிப்புணர்வு பேரணி மற்றும் உலக அமைதிக்கான விருது வழங்கும் விழா 21.9.2026 அன்று தேனியில் நடைபெற்றது. தேனி புதிய பேருந்து நிலையத்திலிருந்து பழைய பேருந்து நிலையம் வரை நடைபெற்ற உலக அமைதி தின விழிப்புணர்வு பேரணியை தேனி மாவட்ட போலீஸ் ஏ.டி.எஸ்.பி., மகேஷ் கொடியசைத்து துவக்கி வைத்தார்.  இந்த ஊர்வலத்தில் தேனி வெளிச்சம் அறக்கட்டளை நிறுவனர் சமூக ஆர்வலர் சிதம்பரம் உள்பட நூற்றுக்கணக்கான மாணவர்கள், இளைஞர்கள் மற்றும் பொதுமக்கள் கலந்து கொண்டு கையில் விழிப்புணர்வுப் பேனர்களை ஏந்தி சென்றனர். அதனைத்தொடர்ந்து தேனி 'வெஸ்டர்ன் காட்ஸ்' ஹோட்டலில் உலக அமைதிக்கான விருது வழங்கும் விழா மாலையில் நடைபெற்றது. விழாவிற்கு ஏ.எம்.ஆர் குழும நிறுவனங்களின் தலைவர் (AMR Group of Companies) AMRR. சந்திரகுமார் தலைமை தாங்கினார். விழாவில் சிறப்பு விருந்தினராக கலந்துகொண்ட தேனி மாவட்ட நிரந்தர மக்கள் நீதிமன்ற தலைவரும், மாவட்ட நீதிபதியுமான A.K.K. இரஜினி,...