தேனி மாவட்ட மக்களின் கல்வி கனவான கேந்திர வித்யாலயா பள்ளிக்கு அனுமதி : தேனி மக்கள் நலச் சங்க செயலாளர் வி.ஆர்.ராஜன் வாழ்த்துக்களை தெரிவித்துள்ளார்

தேனி, ஜூலை.7-

தேனி மாவட்ட கலெக்டர் அலுவலக கூட்ட அரங்கில் தேனி நாடாளுமன்ற உறுப்பினர் தங்க தமிழ்செல்வன் தலைமையில் நடைபெற்ற தேனி மாவட்ட DISHA கமிட்டி ஆய்வு கூட்டத்தில், தேனி மாவட்ட மக்களின் நீண்டகால கல்வி கோரிக்கையான கேந்திர வித்யாலயா பள்ளி தொடங்குவது குறித்து தேனி மாவட்ட DISHA கமிட்டி உறுப்பினர், தேனி மக்கள் நலச் சங்க செயலாளர், தமிழ்நாடு தொண்டு நிறுவனங்களின் கூட்டமைப்பு மாநில பொதுச்செயலாளர் வி.ஆர்.ராஜன் கேள்வி எழுப்பி வலியுறுத்தி பேசினார்.

அப்போது அவரது கேள்விக்கு பதிலளித்து பேசிய மாவட்ட கலெக்டர் வைத்திநாதன், தேனி மாவட்டத்தில் கேந்திர வித்யாலயா பள்ளி தொடங்குவதற்கான அனுமதி கிடைத்து விட்டடதாகவும். அல்லிநகரத்தில் உள்ள நகராட்சி பள்ளியில் வகுப்புகள் தொடங்கப்பட உள்ளதாகவும் மகிழ்ச்சியான செய்தியை தெரிவித்தார்.

தேனி மாவட்ட மாணவர்களின் கல்வி வளர்ச்சிக்கு மிகவும் முக்கியத்துவம் வாய்ந்த இந்த கோரிக்கை நிறைவேற முயற்சிகள் மேற்கொண்ட மதிப்பிற்குரிய தேனி நாடாளுமன்ற உறுப்பினர் தங்க தமிழ்செல்வன் அவர்களுக்கும், மாவட்ட கலெக்டர் வைத்திநாதன் அவர்களுக்கும், சம்பந்தப்பட்ட அனைத்து அரசு அதிகாரிகளுக்கும் மனமார்ந்த நன்றிகளையும், பாராட்டுகளையும்,

தேனி மக்கள் நலச் சங்கம், தமிழ்நாடு தொண்டு நிறுவனங்களின் கூட்டமைப்பு (TAFVA) சார்பாகவும் எங்களது மனமார்ந்த நன்றிகளையும் வாழ்த்துகளையும் தெரிவித்துக் கொள்கிறோம்.

மக்கள் நலனுக்காக தொடர்ந்து குரல் கொடுப்போம்!

மக்களின் கோரிக்கைகளை அரசின் கவனத்திற்கு கொண்டு செல்வோம்!

தேனி மாவட்டத்தின் வளர்ச்சிக்காக தொடர்ந்து செயல்படுவோம்!

Ln. Dr. V. R. Rajan

Member – DISHA Committee, Theni District

State General Secretary – TAFVA

Secretary – Theni Makkal Nala Sangam

..............................

K.நாகராஜ், தலைமை நிருபர்