மேகமலையில் இருந்து மக்களை வெளியேற்ற விட மாட்டோம்; தமிழக அரசு சார்பில் ஓரிரு நாட்களில் உச்ச நீதிமன்றத்தில் சீராய்வு மனு தாக்கல் செய்யப்படும்: கம்பம் எம்.எல்.ஏ., ஜெகநாத் மிஸ்ரா பேட்டி

தேனி, ஆக.21-

மேகமலை பகுதியில் இருந்து மக்களை வெளியேற்ற விடமாட்டோம் கம்பம் எம்.எல்.ஏ., ஜெகநாத் மிஸ்ரா  பேட்டியில் தகவல் 

தேனியில் கம்பம் சட்டமன்ற உறுப்பினர் பி.எல்.ஏ., ஜெகநாத் மிஸ்ரா செய்தியாளர்களுக்கு அளித்த பேட்டியில் கூறியதாவது, தேனி மாவட்டம், வருஷநாடு, மேகமலையை சுற்றி உள்ள 98 கிராம மக்களை வெளியேற்ற கூடாது என்று சட்ட சபையில் பேசி உள்ளேன். 

இது குறித்து தமிழக முதல்வர் ஜோசப் விஜய், அமைச்சர்களை சந்தித்து கோரிக்கை

வைத்துள்ளேன். மக்களை ஆக்கிரமிப்பாளர்கள் என்று வெளியேற்ற உச்சநீதிமன்றம் தீர்ப்பளித்துள்ளது. 

இதற்கு எதிராக தமிழக அரசு ஒரு சில நாட்களில் சீராய்வு மனு தாக்கல் செய்ய உள்ளது. மக்கள் தரப்பு நியாயங்கள், தேவையான ஆவணங்கள் இணைத்து மனு தாக்கல் செய்யப்படும்.கடந்த தி.மு.க., ஆட்சியில் மக்கள் தரப்பு நியாயத்தை நீதிமன்றத்தில் எடுத்து வைக்காததால் இந்த தீர்ப்பு வந்துள்ளது. மேகமலையில் பல தலைமுறைகளாக வசிப்பவர்களை வெளியேற்ற விட மாட்டோம். 

தமிழக முதல்வர் விஜய் மக்களுடன் உள்ளார். மக்கள் பதட்டப்பட வேண்டாம். தேவையற்ற வதந்தி பரப்ப கூடாது. இதனை அரசியல் ஆக்க வேண்டாம். சட்டசபை கூட்டம் நடந்து வரும் நிலையில் அமைச்சர் ஆலோசனையின் பேரில் இங்கு வந்துள்ளேன். கிராமங்களுக்கு சென்று மக்களை சந்திப்பேன். வனத்துறையினர் நோட்டீஸ் வழங்குவதாக குறித்த தகவல் எனக்கு தெரியாது. இதுகுறித்து வனத்துறையிடம் நான் கேட்கிறேன் என்று கம்பம் சட்டமன்ற உறுப்பினர் ஜெகநாத் மிஸ்ரா கூறினார்.

..........................

நாகராஜ், தலைமை நிருபர்