2026-ம் ஆண்டு சட்டமன்ற தேர்தலில் திமுக-வை வீட்டுக்கு அனுப்ப வேண்டும்: இந்து மக்கள் கட்சி தலைவர் அர்ஜுன் சம்பத் பேட்டி

தேனி, ஜூலை.4-

தேனியில் இந்து மக்கள் கட்சி சார்பில் 32 ஆண்டு கால சாதனை விளக்க பொதுக்கூட்டம் தேனி பங்களாமேடு பகுதியில் நடைபெற்றது. இந்த பொதுக்கூட்டத்தில் இந்து மக்கள் கட்சியின் தலைவர் அர்ஜுன் சம்பத் கலந்து கொண்டார்

முன்னதாக தனியார் விடுதியில் அர்ஜுன் சம்பத் செய்தியாளர்கள் சந்திப்பில் தெரிவிக்கையில்,

முருக பக்தர்கள் மாநாடு தமிழக அரசியலில் மிகப்பெரிய திருப்பத்தை ஏற்படுத்தியிருக்கிறது, 

முருக பக்தர்கள் மாநாடு நடைபெற்ற அதே இடத்தில் தற்போது ஜவாஹிருல்லாஹ் தலைமையில் முஸ்லிம் மாநாடு நடத்துகிறார்கள், உள்நோக்கத்துடன் நடைபெறும் இந்த மாநாட்டை தடை செய்ய வேண்டும்

ஜெயராஜ், பென்னிக்ஸ் கொலை செய்யப்பட்ட போது அனைவரும் குரல் கொடுத்தனர். ஆனால் அஜித்குமார் இந்து மதத்தை சேர்ந்த இளைஞர் கொலை செய்யப்பட்ட போது ஒருவரும் குரல் கொடுக்கவில்லை.

தமிழகம் முழுவதும் சட்ட ஒழுங்கு பாதிக்கப்பட்டு சீர்கெட்டுள்ளது. அதை பாதுகாக்க தவறிய ஸ்டாலின் ராஜினாமா செய்ய வேண்டும்.

"ஒன்றிணைவோம் தமிழ்நாடு என்று மக்களை பாதுகாப்பதாக கூறுகிறார் ஸ்டாலின் ஆனால் திமுகவிடம் இருந்து தான் மக்களை பாதுகாக்க வேண்டும திமுகவால் மண்ணுக்கும், மக்களுக்கு பாதிப்பு ஏற்பட்டுள்ளது

மத்திய அரசு கொண்டு வந்த ஜல் ஜீவன் திட்டம், வீடு கட்டி கொடுக்கும் திட்டத்தில் திமுகவினர் ஊழல் செய்கின்றனர். அதனால் 2026-ம் ஆண்டு சட்டமன்ற தேர்தலில் திமுக-வை வீட்டுக்கு அனுப்ப வேண்டும்.

அதிமுக பாஜக கூட்டணி ஒரு நல்ல கூட்டணி. அதனால் 2026 ஆம் ஆண்டு சட்டமன்ற தேர்தலில் இந்த கூட்டணி தமிழகத்தில் ஆட்சி அமைக்கும்

போலீஸ் ஏடிஜிபி டேவிட்சன் ஆசிர்வாதம் விநாயகர் சதுர்த்தி விழாவில் கடந்த ஆண்டை விட அதிகமான சிலைகளை அனுமதிக்கக்கூடாது என்று தெரிவித்துள்ளார். அது கண்டிக்கத்தக்கது அவர் கூறிய கருத்தை அவர் திரும்ப பெற வேண்டும்

காவலாளி அஜித்குமார் கொலை வழக்கில் நிகிதாவை பாதுகாப்பது யார். யார் அந்த சார் என்று இரண்டாவது முறை கேட்கிறோம்.

கிறிஸ்துவ மிஷனரிகளால் கொண்டு வரப்பட்ட கட்சிதான் விஜயின் த.வெ.க பாஜகவை பற்றி பேசுவதற்கு விஜய்க்கு எந்த அருகதையும் கிடையாது 

திமுக-வின் A டீம் தான் விஜய்யின் த.வெ.க கடந்த தேர்தலில் மக்கள் நீதி மையத்தை தயார்படுத்தியது திமுக தற்போது த.வெ.க-வை தயார்படுத்தி வருகிறது. விஜய் வருகின்ற 2026 சட்டமன்ற தேர்தலில் 2 அல்லது 3 சதவீத வாக்குகள் பெறுவார். அதன் பின் கமல் ஒரு எம்.பி., சீட்டுக்காக இணைந்தது போல் விஜய்யும் திமுகவில் ஐக்கியம் ஆகிவிடுவார். இவ்வாறு அர்ஜுன் சம்பத் தெரிவித்தார்.

பேட்டின் போது இந்து மக்கள் கட்சி தொண்டரணி மாநில தலைவர் மோகன், மாநில துணைத்தலைவர் குரு ஐயப்பன், தென் மண்டல அமைப்பாளர் கருப்பையா, தேனி மாவட்ட தலைவர் ரவிச்சந்திரன், மாவட்ட பொதுச்செயலாளர் கார்த்திக் உள்பட நிர்வாகிகள் பலர் உடனிருந்தனர்.

.............................

நாகராஜ், தலைமை நிருபர்